Lodewijk de Vadder

Lodewijk de Vadder (Brussel, doopt 8 april 1605 - Brussel 10 augustus 1655) wie in Flaamsk lânskipsskilder, -tekener en -etser út de baroktiid.

Lodewijk de Vadder: Zoniënwâld mei marsedragers

Hy kaam út in skildersfamylje (ek syn bruorren wiene keunstskilders) en waard yn 1628 master yn it Sint-Lucasgilde fan Brussel. Hy ûntjoech him mei Lucas Achtschellinck en Jacques d'Arthois (de saneamde Zoniënwâldskilders). ta de meast foaroansteande lânskipsskilder út dy tiid. Fierders makke De Vadder ek etsen en tekeningen dêr't lânskippen ek in wichtich ûnderwerp yn wiene.

De Vadder wurke ek foar ferskate Brusselske wandtapyt- en gobelinfabrikanten.

Musea

Wurk fan Lodewijk de Vadder hinget ûnder oaren yn de folgjende musea:

• Louvre yn Parys
• National Gallery of Art yn Washington, D.C.
• Museum foar Skoandere Keunsten yn Gint
• Keninklik Museum foar Skoandere Keunsten yn Antwerpen
• Keninklike Musea foar Skoandere Keunsten fan Belgje yn Brussel
• Museum Bredius yn Den Haach

Keppeling om utens

• https://www.lodewijkdevadder.net

Boarnen, noaten en referinsjes

Boarnen, noaten en/as referinsjes:

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Lodewijk de Vadder fan Wikimedia Commons.