Lofthaven Londen Heathrow

Lofthaven Londen Heathrow (IATA: LHR, ICAO: EGLL) is in ynternasjonale lofthaven yn 'e Britske haadstêd Londen. De lofthaven waard oanlein yn 1944 op it plak dêr't al yn 1929 in lyts fleanfjild iepene wie. Nei tal reizgers is Heathrow de drokste lofthaven fan Jeropa en ek de treddrokste fan 'e wrâld. Yn 2014 waarden 73,4 miljoen reizgers ferwurke. Heathrow hat twa parallelbanen mei lingtes fan 3.902 en 3.660 meter.