Lyon
Lyon is in stêd yn it easten fan Frankryk en leit op it plak dêr't de rivieren de Rhône en de Saône tegearre komme.
| Lyon | ||
| ||
| Foar: Katedraal fan Lyon Derboppe: Basilyk fan Fourvière Derneist: Metalen toer fan Fourvière | ||
| Bestjoer | ||
| Lân |  Frankryk
| |
| Regio | Rhône-Alpes | |
| Sifers | ||
| Ynwennertal | 474.946 ynwenners (2008) | |
| Oerflak | 47,87 km² (sûnder stêdekloft) | |
| Befolkingsticht. | 9.922 km² (sûnder stêdekloft) | |
| Stêdekloft | 1.348.832 ynwenners (2008) | |
| Hichte | 170 m. (162–312 m.) boppe seenivo | |
| Oar | ||
| Postkoade | 69001–69009 | |
| Tiidsône | UTC +1 | |
| Simmertiid | UTC +2 | |
| Offisjele webside | ||
| www.lyon.fr | ||
Lyon is it bestjoerlike sintrum fan de regio Rhône-Alpes en fan it departemint Rhône en sit fan de ynternasjonale plysje-organisaasje Interpol. De bûtenwiken meirekkene is it op Parys nei de grutste stêd fan Frankryk. Sûnt 1998 stiet de historyske binnenstêd op 'e list mei Wrâlderfgoed fan de UNESCO.
It biedwurd fan de stêd is: "Avant, avant, Lion le melhor!" (Provinsaalsk: Foarút, foarút, Lyon it bêst!)
Stêdsbyld
bewurkje seksjeDe stêd wurdt oerhearske troch twa heuvels, Fourvière en Croix-Rousse, dy't foan inoar skieden binne troch de ingte fan de Saône (Pierre Scize). Yn de 19e iuw waarden se troch Michelet respektivelik "de biddende heuvel" en de "wurkjende heuvel" neamd. Op de Fourvière stiet de basilyk fan Fourvière. De heuvel fan Croix-Rousse dêrfoaroer hiel wat arbeidershúskes wêryn side bewurke waard. De sideyndustry fan Lyon hat in ryk ferline.
Yn Vieux-Lyon en Croix-Rousse binne ferskate 'traboules', smelle gonkjes, dy't bylâns rinnende strjitten mei inoar ferbine. Dy gongen rinne fia de binnenplakken fan wenblokken.
Tusken de rivieren Rhône en Saône, op it saneamde 'presqu'île' (skiereilân), let it place Bellecour, it tredde plein fan Frankryk, nei de Place des Quinconces yn Bordeaux en Place de la Concorde yn Parys, mei in ôfmjitting fan 310 by 200 meter. It plein is ek grutter as de pleinen fan Zócalo yn it Historysk Sintrum fan Meksiko-stêd of it Reade Plein yn Moskou. Midden op it plein stiet in stânbyld fan Loadewyk XIV op in hynder.
