Marc Chagall Museum

It Marc Chagall Museum (Wytrussysk: Віцебскі музей Марка Шагала) is in oan de skilder Marc Chagall wijd museum. It is fêstige yn syn âldershûs yn Vitebsk, Wyt-Ruslân, dêr't de skilder berne waard. It museum is it meast besochte museum fan de stêd.

Marc Chagall Museum

Keunstsintrum Marc Chagall yn Vitebsk

De heit fan de skilder boude it ienfâldige hûs oan de Pokrovskaja-strjitte yn it begjin fan 'e 20e ieu en Marc Chagall waard dêr grutbrocht. Chagall fertelt oer dy tiid yn 'e autobiografy "Myn Libben".

Yn 1992 waard it museum iepene. Yn it museum is in útstalling fan guod út de tiid, doe't de famylje dêr wenne. Dêrnjonken binne der ek kopyen fan argyfdokuminten oangeande it libben fan 'e keunstner en syn famylje yn Vitebsk en wurk fan Chagall.

Keunstsintrum Marc Chagall Vitebsk

It yn 1992 ynrjochte museum hâldt eksposysjes fan grafysk wurk fan Chagall (lito's, etsen, akwatinten, houtgravueres). It museum besit in rige yllustraasjes fan Gogol's bondel "Deade Sielen" (1923-1925), in searje kleurlito's mei bibelske foarstellings út 1956-1960, in syklus lito's mei de titel "De Tolve Stammen fan Israel" (1960) en oar wurk fan Chagall.

Keppeling om utens

• (in) Side fan it museum

Boarnen, noaten en referinsjes

Boarnen, noaten en/as referinsjes:

It museum op de side fan Vitebsk Commons Wikimedia Commons  Ofbylden dy't by dit ûnderwerp hearre, binne te finen yn de kategory Ferkundigingstsjerke, Vitebsk fan Wikimedia Commons.