Marije fan Jever

(Trochferwiisd fan Maria fan Jever)

Marije fan Jever of Maria fan Jever (Jever, 5 septimber 1500 - dêre, 20 febrewaris 1575), frouwe fan Jever, Rüstringen, Östringen en Wangerlân wie de lêste regintesse fan Jeverlân fan 1511 oant har ferstjerren yn 1575 út it haadlingelaach Wiemken.

Marije fan Jever (1572)

Libben bewurkje seksje

Marije wie de tredde fan Edo Wiemken de Jongere en dy syn twadde wiif Heilwig von Oldenburg. Har mem stoar doe't hja ien jier wie en har heit stoar sa'n tsien jier letter. Meidat ek har ienige broer jong stoar waard hja 1511 regintesse fan de hearlikheid Jever. Troch in houliksoerienkomst fan Marije mei de soan fan de greve fan East-Fryslân besocht de lêstneamde ynfloed yn Jever te krijen. It houlikskontrakt waard lykwols net neikaam en de troepen fan de greve besetten yn 1527 it slot fan Jever. Mei help fan de drost fan Oldersum koe Marije de besetters ferdriuwe.

Marije hat as regintesse in protte foar Jever dien. It plak krige 1536 stedsrjochten, it slot waard útwreide, it lân waard grutter troch bepolderjen, nije slûzen waarden oanlein en de rjochtspraak waard troch har befoardere. Under har bestjoer boaze de hannel ek oan.

It ferstjerren fan Marije yn 1575 waard yn it earstoan stilholden om in oerfal fan de East-Friezen foar te kommen. Marije hie yn har testamint fêstlein, dat de hearlikheid Jever oan har memme famylje, de greve fan Oldenburg, takomme soe.

Literatuer bewurkje seksje

  • (dú) Petri, Wolfgang Maria von Jever: Herrschaft und Liebe - Tragik und Legende (2000) ISBN 3-9806885-2-6
  • (dú) Sander, AntjeDas Fräulein und die Renaissance: Maria von Jever 1500 - 1575 ; Herrschaft und Kultur in einer friesischen Residenz des 16. Jahrhunderts (2000) ISBN 3-89598-711-5
  • (dú) Willms-Jacobs, Anja Unser Fräulein Maria: eine starke Frau aus dem Mittelalter; Jeversche Historie für Kinder (1998) ISBN 3-89598-566-X
  • (dú) Petri, Wolfgang Fräulein Maria von Jeve : Studien zur Persönlichkeit und Herrschaftspraxis (1994) ISBN 3-925365-77-X