Milaan
Milaan (Italjaansk: Milano, West-Lombardysk: Milan) is de twadde stêd fan Itaalje en de wichtichste yn Noard-Itaalje. De namme komt fan it Latynske Mediolanum wat betsjut "yn de midden fan de flakte" en dat ferwiist nei it feit dat de stêd yn de midden fan de Poflakte leit. De stêd leit noardeastlik fan Turyn en bewesten Ferona.
| Milaan | ||
| ||
| Dom fan Milaan | ||
| Bestjoer | ||
| Lân | Itaalje | |
| Regio | Lombardije | |
| Provinsje | Milaan | |
| Sifers | ||
| Ynwennertal | 1.317.882 (juny 2010) | |
| Oerflak | 183.77 km² | |
| Befolkingsticht. | 7.171/km² | |
| Hichte | 120 m | |
| Oar | ||
| Stifting | 600 f.Kr. (Kelten) 222 f.Kr. (Romeinske ferovering) | |
| Koördinaten | ||
| Offisjele webside | ||
| City of Milan – Virtuele omgong | ||
Milaan is ek haadstêd fan de Italjaanske regio Lombardije. Teffens is it haadstêd fan de provinsje mei deselde namme. Yn de stêd wenje om-ende-by 1,3 miljoen minsken, mar de bewenners fan de stêdekloft derom hinne der by rekkene komt dat wol op fjouwer miljoen.
Ekonomy
bewurkje seksjeMilaan is de wichtichste sakestêd fan Italië. De Italiaanske beurs is dêr bygelyks fêstige, lykas it útstallings- en beursterrein Fiera Campionario. Grutte bedriuwen yn of by Milaan binne Alfa Romeo en Pirelli.
Kultuer
bewurkje seksje
Wichtige âlde gebouwen yn Milaan binne it Castello Sforzesco, boud ûnder de hartoggen fan de famylje Sforza, de Dom fan Milaan, dêr 't de bou fan yn totaal fiif iuwen duorre, de oan Ambrosius, beskermhillige fan Milaan, wijde Sant Ambrogio-basilyk en it kleaster Santa Maria delle Grazie, dêr 't da Vinci's ferneamde muorreskildering fan It Lêste Nachtmiel is.
Moade
bewurkje seksjeNjonken Parys, New York en Londen is Milaan ien fan de wichtichste moadehaadstêden fan 'e wrâld mei in moade-, klean - en tekstylyndustry mei in soad tradysjes. In protte bekende Italiaanske moademerken lykas Armani, Dolce & Gabbana, Gucci, Prada, Valentino en Versace binne yn de stêd fêstige. In bekende winkelstrjitte is Fia Monte Napoleone. Twa kear yn it jier wurdt dêr de Milan Fashion Week hâlden, in wichtich evenemint yn de ynternasjonale moadewrâld.
Milaneeske koken
bewurkje seksjeFoarbylden fan Milaneske cuisine binne risotto alla Milanese, in riisgerjocht, panettone, in fruchtecake, de cotoletta a la Milanese, in panearde kealleschnitzel, en de ossobuco (kealleskinkel). It Milaneske delikatessewarehûs Peck's is wrâldferneamd.
Berne
bewurkje seksje- Giovanni D'Anzi (1906-1974), komponist en sjonger
 |
Ofbylden dy't by dit ûnderwerp hearre, binne te finen yn de kategory Milaan fan Wikimedia Commons. |