Halmstad

Halmstad is de haadstêd fan de gemeente Halmstad en de haadstêd fan de provinsje Hallands län yn it lânskip Halland. It plak hat 59.005 ynwenners (2005) en in oerflak fan 3301 hektare. Halmstad leit op it plak dêr't de rivier de Nissan yn see útmûnet.

Halmstad
Bestjoer
Lân	Sweden
Provinsje	Hallands län
Sifers
Ynwennertal	59.010 (2008)
Oerflak	33,01 km²
Befolkingsticht.	1687 / km²
Offisjele webside
Offisjele webside

Lizzing fan Halmstad yn Sweden

Skiednis

Halmstad soe al foar de 11e iuw bestien hawwe en wie in hannelsplak. Ut reden fan oerstreamingen waard de delsetting in tal kilometers nei it noardeasten ferpleatst, tichter by de see. Halmstad soe yn 1307 stedsrjochten krige hawwe; it wie doetiids de grutste stêd oan de westkust fan Sweden. In iuw letter waard de stêd oermastere troch it Deenske ryk. Healwei de 16e iuw skonken de Deenske oerhearskers de stêd in stedswapen, út tankberens foar de moedige wjerstân dy't de stêd bean hie tsjin de opteine Sweden. Yn 1619 moeten de keningen Kristiaan IV fan Denemark en Gustaaf II Adolf fan Sweden oan de mûning fan de Nissan krekt bûten de stedspoarten, dêr't sy de frede ôffûstken. Troch it Ferdrach fan Brömsebro wurdt Halmstad yn 1645 in Sweedske stêd.

2007 waard it 700-jierrich bestean fan de stêd fierd.

Muzyk

De band Gyllene Tider om de lettere Roxette frontman Per Gessle hinne is tige suksesfol yn Skandinavië en komt út Halmstad. Gessle wennet yn Halmstad en is mei-eigener fan Hotel Tylösand. De Sweedske deathmetalband Arch Enemy komt út Halmstad. De gitaristen Michael Amott en Christopher Amott wenje der. De black metalband Shining is ek oprjochte yn Halmstad yn 1996. Jonas Altberg (Basshunter), Sweedsk sjonger, muzykprodusint en DJ komt ek út Halmstad.

Partnerstêden

• : Gentofte
• : Hanko
• : Stord

Foto's

• 
  Tsjerke by stedsplein
• 
  Mellgrenskahûs
• 
  Stedssintrum en haven
• 
  Stânbyld fan Picasso
• 
  Norrekattspark
• 
  Nije bibleteek

Trivia

• Halmstad kaam 1996 yn it nijs doe't âlden har soan fan fiif de namme Brfxxccxxmnpcccclllmmnprxvclmnckssqlbb11116 jaan woene.

Keppeling om utens

• Offisjele webside foar toeristen

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Halmstad fan Wikimedia Commons.