Nije Bildtse Post

De Nije Bildtse Post is in hûs-oan-hûsblêd yn 'e Nederlânske provinsje Fryslân, dat yn 2021 ûntstie as opfolger fan 'e opdoekte krante de Bildtse Post. It krantsje ferskynde mids septimber fan dat jier foar de earste kear en waard yn in oplaach fan 8.000 eksimplaren ferspraat op It Bilt.[1]

Nije Bildtse Post
algemiene ynformaasje
nasjonaliteit Nederlânsk
taal Biltsk, Frysk, Nederlânsk
sjenre hûs-oan-hûsblêd
frekwinsje 1 × yn 'e moanne
bestean 2021 - 2023
oprjochter Pieter Jan Heidstra
plak haadred. De Westereen (Dantumadiel)
útjouwer Heidstra Media
oplaach 8.000

Neffens oprjochter Pieter Jan Heidstra fan útjouwerij Heidstra Media út De Westereen hied er fan bedriuwen en partikulieren op It Bilt in protte entûsjaste reäksjes krigen oer syn inisjatyf om in ferfangend blêd te publisearjen doe't de Bildtse Post nei 85 jier ferdwûn. Hy kundige oan dat de nije krante mear djipte-ynterviews omfetsje soe, wylst de artikels skreaun wêze soene yn it Biltsk, Frysk of Nederlânsk.[1]

Yn septimber 2023 kaam der wer in ein oan it blêd: it foe finansjeel dochs net út.[2]

De Bildtse Post bestiet noch as webstek.

Keppelings om utens bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes:
  1. 1,0 1,1 Hilbrands, Myrddin, "Nije Bildtse Post" met vreugde ontvangen, yn: de Ljouwerter Krante, 15 septimber 2021, s. 26.
  2. https://www.omropfryslan.nl/nl/nieuws/1222258/het-doek-valt-voor-de-nije-bildtse-post-de-krant-kan-financieel-niet-uit