Orange City (Iowa)

Orange City is in plak (city) yn de Amerikaanske steat Iowa en heart bestjoerlik ûnder Sioux County.

Orange City
Orange City yn Sioux County yn Iowa
Bestjoer
Lân	Feriene Steaten
Steat	Iowa
Distrikt	Sioux County
Sifers
Ynwennertal	6000 (2010)
Oerflak	8 km²
Befolkingsticht.	750 / km²
Hichte	440 m
Oar
Tiidsône	Central (CST) (UTC-6)
Simmertiid	CDT (UTC-5)
Koördinaten
Offisjele webside
orangecityiowa.com

Gerjochtsgebou fan Sioux County yn Orange City

Orange City is ferneamd nei Prins fan Oranje Willem III fan Oranje-Nassau (Ingelsk: Prince William of Orange). Dat hat te krijen mei it Nederlânsk komôf fan de measte ynwenners.

Demografy

It ynwennertal 2006 wurdt troch it United States Census Bureau rûsd op 5860, 278 (5,0%) mear neffens 2000. Yn 2000 wie 48,1% fan de befolking fan Nederlânsk komôf.

Skiednis

Orange City en Sioux Center waarden yn de 19e iuw troch neisieten fan Nederlânske ymmigranten stifte. Harren âlden behearden ta de Ofskiedenen, otterdokske grifformearden dy't har yn 1834 fan de Nederlânske Herfoarme Tsjerke losmakke hienen. Under de lieding fan dûmny Hendrik Scholte ferfarren sy nei de Feriene Steaten en stiften sy yn it súdeasten fan Iowa it plak Pella.

Godstsjinst

De measte ynwenners binne lid fan de Christian Reformed Church in North America, in grifformeard Amerikaansk tsjerkgenoatskip dat him yn 1857 fan de Reformed Church in America ôfskiede. De lêstneamde tsjerke hat in tal tsjerken yn Orange City, lykas ek de luterske tsjerke.

Kultuer

Fanwege de bining mei Nederlân is der alle jierren yn it tredde wykein fan maaie in tulpefestival. Ek hawwe in soad huzen in soarte fan Nederlands foargevel.

Underwiis

Orange City hat in partikulier kolleezje (hegeskoalle), it Northwestern College, dat ferbûn is oan de Reformed Church in America.

Berne yn Orange City

• Nick Collison (1980), basketballer
• James Kennedy (1963), histoarikus

Stoarn yn Orange City

• Broer Doekeles Dykstra (1871-1955)