Papingastins (Weidum)
De Papingastins of Papingastate wie in stins of state yn Weidum, foarhinne gemeente Baarderadiel, letter Littenseradiel en no gemeente Ljouwert. De stins/state stie besuden de tsjerke, njonken Borniastate. Op it steed stiet no in pleats. Oan de ein fan de Lytsebuorren oan de súdwestkant fan de tsjerke fan Weidum begjint de oprydleane nei Papingastate (út it doarp wei sjoen de linker pleats).
It hûs wurdt foar it earst yn de 16e iuw neamd. Op Papingastate wennen doe de Ropta’s. Yn 1570 liet Rinsk fan Ropta, dy't troud wie mei Hartman fan Haersma, oan de Weidumer tsjerke 12.000 stiennen nei, dy't levere wurde moasten troch har tichelwurk yn Winsum. Ek de oare widdowen waarden net ferjitten, want it hûs oan de tsjerkebuorren dat fan Yme Foppes kocht wie, wie foar harren ornearre. Yn of omtrint 1700 waard it steatlike hûs ôfbrutsen.
Bewenners
bewurkje seksje- 16e iuw famylje Ropta
- 1570 Rinsk fan Ropta
- 1977 widdo Monsma
| Boarnen, noaten en/as referinsjes: |
|