Plano (Teksas)

Plano is ien fan de noardlike foarstêden fan Dallas, de trêde stêd fan de Amerikaanske steat Teksas. Plano leit foar it grutste part yn Collin County; in lyts stik leit yn Denton County. Plano leit yn de Dallas-Fort Worth Metroplex, de metropoal fan Dallas en Fort Worth.

Plano
Bestjoer
Lân	Feriene Steaten
Steat	Teksas
County	Collin County en Denton County
Boargemaster	Phil Dyer
Sifers
Ynwennertal	259.841 (2010)
Oerflak	185,4 km²
Befolkingsticht.	1.401 / km²
Stêdekloft	6.426.214 (DFW Metroplex)
Hichte	203 m
Oar
Stifting	1848
Postkoade	75023–75094
Tiidsône	UTC-6
Simmertiid	UTC-5
Offisjele webside
Webstee Plano

Wettertoer yn Plano

Demografy

Plano is de 78e stêd fan de Feriene Steaten (2000) en de njoggende neffens grutte fan Teksas. Fan de befolking is 4,9 % âlder as 65 jier en bestiet foar 20,2 % út ienpersoanshúshâldings. De wurkleazens is 1,7 % (sifers folkstelling 2000).

Sa'n 10,1 % fan de befolking fan Plano binne hispanics en latino's, 5 % is fan Afrikaansk komôf en 10,2 % fan Aziatyske oarsprong.

It ynwennertal gie omheech fan 222.030 yn 2000 nei 259.841 yn 2010.

Klimaat

Jannewaris hat in trochstrings temperatuer fan 6,3 °C, yn july is dat 29,6 °C. Der falt trochsneed 856,0 mm delslach yn it jier (mjitperioade 1961-1990).

Ekonomy

Haadkertier fan Rent-A-Center

Tal fan bedriuwen hawwe harren haadkantoar yn Plano: Ericsson, Rent-A-Center, Crossmark, Dell Services, HP Enterprise Services, JCPenney, Frito-Lay, Cinemark Theatres, Dr Pepper Snapple Group, Siemens PLM Software, Gearbox Software en oaren.

Berne yn Plano

• John Benjamin Hickey (25 juny 1963), akteur
• Lance Armstrong (18 septimber 1971), hurdfytser
• Kenton Duty (12 maaie 1995), akteur en sjonnger

Boarnen, noaten en referinsjes

Boarnen, noaten en/as referinsjes:

Volkstelling 2000, www.census.gov