Pontevedra (stêd)

Pontevedra is in stêd en gemeente yn de Spaanske provinsje Pontevedra yn de regio Galysje mei in oerflakte fan 118 km² Yn 2020 telde Pontevedra 83.260 ynwenners. It is ek de haadstêd fan de provinsje en comarca Pontevedra.

Pontevedra
Emblemen
Bestjoer
Lân	Spanje
Autonome regio	Galysje
Provinsje	Pontevedra
Comarca	Pontevedra
Sifers
Ynwennertal	83.260, (2020)
Oerflak	118.3 km2
Befolkingsticht.	700 inw./km2
Oar
Stifting	1200 f.Kr.
Koördinaten	42° 26' NB, 8° 39' WL
Lokaasje fan de gemeente Pontevedra yn Galysje
Offisjele webside
www.pontevedra.gal
Kaart

Geografy

De gemeente grinzget yn it noarden oan de gemeenten Barro en Moraña, yn it noardwesten oan Campo Lameiro, yn it easten oan de gemeente Cotobade yn it súdeasten oan Ponte Caldelas, yn it suden oan Soutomaior, yn it súdwesten oan de gemeenten Vilaboa en Marín, yn it westen oan de Atlantyske Oseaan, de Ría de Pontevedra en de gemeente Poio, yn it noardwesten oan de gemeente Meis. Yn it suden hat de stêd in lytse tagong ta de Ría de Vigo, yn de punt fan O Castelo, dêr 't in lyts eilân leit (Illa do Castelo) dat ta de gemeente Pontevedra heart.

Klimaat

It klimaat is in tuskenbeiden seeklimaat. De trochsneed temperatuer is 15°C, mei in skommeling fan 10°C (10°C is de trochsneed temperatuer yn jannewaris, 20°C is de trochsneed temperatuer yn july). Oer it algemien is de regio tige wiet mei in delslach fan 1700 -1900 mm yn it jier, en yn trochsneed 102 dagen mei rein.

Demografyske ûntwikkeling

Boarne: INE; 1857-2011: folkstelling

Opm: Oanhechting fan Berducido (1857), Alba, Mourente, Salceda (1877), Geve (1950) en Puente Sampayo (1960)

Ekonomy

De measte arbeidsplakken binne yn de tsjinstesektor. Fanwegen de geografyske lizzing is de stêd wichtich as sintrum fan lokale hannel en as toeristestêd. Pontevedra is de haadstêd fan de provinsje en in administratyf sintrum. Tagelyk is der in relatyf grut tal militêren oanwêzich yn de sône, foar in part fanwegen de militêre seefeartskoalle yn Marín, dêr't de offisiers fan de Spaanske float oplaat wurde. Fierder is der de basis General Morilla, yn Figueirido dêr't de lânmachtbrigade Galicia VII stasjonearre is.

Yndustry en boskbou

De stêd is in sintrum foar de boskbou deromhinne en it grutste papierfabryk fan Spanje is dêr fêstige. Yn Pontevedra hat de CIFA, in wichtich ûndersyksynstitút fan de Spaanske oerheid op it mêd fan boskbou.

Toerisme

Pontevedra hat in histoarysk stedssintrum, mei gebouwen yn goatyske en Romaanske arsjitektuer. It sintrum hat in tal pleinen wêrûnder de Plaza de la Verdura, Plaza de la Ferreira en de Plaza de la Leña. De goatyske arsjitektuer is werom te finen yn de basilyk fan Santa María en yn de resten fan it kleaster fan Santo Domingo.

Der binne ferskate musea yn de stêd, wêrûnder it Museo Provincial de Pontevedra en it museum fan Keltyske keunst, it Museo del Arte Celta. Tichteby Pontevedra binne ferskate lytsere doarpen en stêden dy 't benammen Spaanske toeristen lûke, lykas Sanxenxo, O Grove en it eilân Illa da Toxa.

Berne yn Pontevedra

• Delio Rodríguez (1916-1994), hurdfytser
• David García (1977), hurdfytser
• La Belle Otero (1868-1965), Spaansk aktrise

Galery

• 
  Iglesia de la Peregrina
• 
  Plaza de la Leña
• 
  Puente del Burgo
• 
  Gemeentehûs fan Pontevedra

Boarnen, noaten en referinsjes

Boarnen, noaten en/as referinsjes:

(in) Spaans bureau voor statistiek, cijfers volkstelling 2007 Historia de Galicia, Ramón Villares Paz, 2004, Uitgeverij Galaxia, ISBN 84-8288-655-X Galicien, Peter Bohning, Peter Meyer Verlag, 2004, ISBN 3-89859-134-4

Keppeling om utens

• Webside fan de gemeente