Potentinus

Potentinus en syn soannen Felisius en Simplisius wiene leken, dy't yn de 4e iuw libben en yn Dútslân as hilligen fereare wurde. Tegearre mei Sint-Kastor stifte Potentinus mei syn soannen yn Karden in kleaster, dat oant de sekularisaasje yn 1802 bestie.

Potentinus
hillige
Potentinusbyld yn de Kastortsjerke fan Treis-Karden
persoanlike bysûnderheden
berteplak	Akwitaanje (?)
stjerdatum	tsjin it ein fan de 4e iuw
stjerplak	Karden
hillichferklearring
hjeldei	18 juny
attributen	pylken, lâns

Legindes

In 9e-iuwske oerlevering beskriuwt Potentinus as immen út in aadlik skaai út Akwitaanje, dy't mei syn soannen op beafeart nei Trier gyng. Biskop Maksimus fan Trier rikkemandearre Karden oan om dêr harren libben oan God te wijen en sa kamen Potentinus en syn soannen by de lettere hillige Kastor, dy't dêr as hearremyt libbe.

Neffens in 14e-iuwske oerlevering soe Potentinus de soan fan in heidenske kening fan de Franken wêze. Potentinus hie him bekeard ta diaken en waard letter biskop fan Paderborn. As biskop besocht er syn suster, dy't ek op it kristlike leauwe oergien wie, te ferlossen út har heidenske omjouwing, mar de heidenen tamtearren him mei pylken en ûnthalzen him.

Reliken

Potentinusskryn (Musée du Louvre)

De reliken fan Potentinus en syn soannen kamen yn it jier 920 yn it kleaster Steinfeld yn 'e Eifel.

Mei de Frânske besetting fan de lofter kant fan de Ryn waard it kleaster yn Steinfeld opheft en de skryn nei Parys brocht. Sûnt 1828 wurdt de skryn dêr yn it Louvre bewarre.

Feestdei

De feestdei fan Potentinus en syn soannen is op 18 juny fêststeld.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: de:Potentinus. Commons Wikimedia Commons  Ofbylden dy't by dit ûnderwerp hearre, binne te finen yn de kategory Potentinus fan Wikimedia Commons.