Priorij fan Us Leaffrou fan Bethanië

De Priorij fan Us Leaffrou fan Bethanië is in benediktynske priorij yn Loppem yn 'e West-Flaamske gemeente Zedelgem, Belgje. It adres fan de abdij is Sysen 8.

Us Leaffrou fan Bethanië
Lokaasje
lân	Belgje
gewest	Flaanderen
provinsje	West-Flaanderen
gemeente	Zedelgem
plak	Loppem
koördinaten	51° 09' N 3° 10' E
Kleastergegevens
denominaasje	Roomsk-Katolike Tsjerke
oarde	Benediktinen
Ynformaasje bou
arsjitekt	Jozef Viérin
boujier	1924-1957
boustyl	Neoromaanske arsjitektuer
monumintnûmer	209994
Webside
priorijbethanie.be
Kaart

Skiednis

De priorij wurdt as de froulike tsjinhinger fan de tichteby lizzende Abdij fan Zevenkerken beskôge. De abt Theodore Nève joech de oanset ta de stifting. Doe't de abdij yn 1918 as militêr sikehûs brûkt waard, seach er dêr ferpleechkundigen wurkje, wat him ta dat idee brocht.

Tusken 1921 en 1925 setten de earste susters harren nei wenjen yn it kastieltsje Lisbona yn Loppem, nei't hja earst in oplieding folge hiene yn Angers. Hja wurken ek yn 'e missy yn Belgysk Kongo en stiften dêr ek kleasters.

It kleaster yn Loppem waard stadichoan tusken 1924 en 1957 boud neffens in ûntwerp fan Jozef Viérin. It gasthûs waard yn 1924 boud, folge troch de kostskoallefleugel (1929), de tsjerke (1935-1936), de refter (1948) en in fleugel mei in kapel en de bibleteek (1957).

Yn de Twadde Wrâldkriich waarden de muontsen fan de Abdij fan Zevenkerke yn it gasthûs ûnderbrocht en yn 1969 waard dat de famkeskostskoalle fan de Abdij.

Arsjitektuer

It kompleks is fan bakstien boud en is útfierd yn neoromaanske styl. De gebouwen foarmje in grutte ienheid yn 'e arsjitektuer en hawwe in strak symmetrysk grûnplan. De kearn wurdt foarme troch de fleugels yn in fjouwerkant om in sintrale tún. It plein wurdt trochsnien troch in as, dêr't de tsjerke en de refter steane. De tsjerke hat in brede achthoekige krusingstoer ûnder in achthoekich seissidige lege spits. Yn it ûntwerp binne de prinsipes fan 'e gouden fyk tapast.

Boarnen, noaten en referinsjes

Boarnen, noaten en/as referinsjes:

Dizze side is foar in part in oersetting fan de Nederlânsktalige Wikipedyside; sjoch foar de bewurkingsskiednis nl:Priorij van Onze-Lieve-Vrouw van Bethanië Commons Wikimedia Commons  Ofbylden dy't by dit ûnderwerp hearre, binne te finen yn de kategory Priorij Bethanië (Loppem) fan Wikimedia Commons.