Loppem

Loppem is in doarp yn de Belgyske provinsje West-Flaanderen. It doarp is sûnt 1977 de eastlike dielgemeente fan Zedelgem en leit krekt súdlik fan de agglomeraasje Brugge.

Loppem
Kastiel Loppem
Polityk
Lân	Belgje
gewest	Flaanderen
provinsje	West-Flaanderen
gemeente	Zedelgem
Sifers
Ynwennertal	4.898
Oerflak	12,68 km²
Befolkingsticht.	386 ynw./km²
Oar
Postkoade	8210
Tiidsône	UTC +1
Simmertiid	UTC +2
Koördinaten	51° 09' N 3° 41.9' E
Kaart

Skiednis

In âlde fermelding fan de namme 'Lophem' is al te finen yn in oarkonde út 1108. Yn oktober 1918, by de befrijing nei de Earste Wrâldkriich, naam kening Albert I syn residinsje op it kastiel fan Loppem. Op 21 novimber 1918 stifte hy 'it regear fan Loppem', it earste regear fan nasjonale ienheid, dêr't sosjalisten, liberalen en katoliken meiïnoar yn sieten. Dat regear fierde yn it ramt fan it 'Akkoard fan Loppem' grutte herfoarmings troch: algemien ienich stimrjoch (foar alle manlju boppe 21), erkenning fan de fakbûnen en de ynfiering fan it Nederlânsk op de Universiteit fan Gint.

Geografy

Loppem leit yn Zandig Vlaanderen op in hichte fan likernôch 8 meter. De wichtichste beek is de Kerkebeek, dy't by Loppem yn 'e Rollegembeek útmûnet. Dy beken streame yn yn noardlike rjochting.

It besjen wurdich

• Sint-Martinustsjerke (mei achtkantige spits)
• Kastiel fan Loppem, neogotyk, mei kastielpark en doalhôf (1873), beskerme monumint
• Kastiel Baesveld, neorenêssânse (Baesveld 2-4)
• Kastiel Lisbona (Torhoutsesteenweg 5)
• Kastiel Emmaüs (Emmaüsdreef 6)
• Kastiel Vijverskasteel (Heidelbergstraat 29 en 29A)
• Priorij fan Us Leaffrou fan Bethanië
• De herberge 'Heidelberg' (in tolhûs fan de Torhoutsesteenweg)
• 'Kunsthalle Lophem', ien fan de trije erkende Flaamske keunstsintra.

Ofbylden

• 
  Sint-Martinustsjerke
• 
  Priorij fan Us Leaffrou
• 
  Vloethemveld

Boarnen, noaten en referinsjes

Boarnen, noaten en/as referinsjes:

Dizze side is foar in part in oersetting fan de Nederlânsktalige Wikipedyside; sjoch foar de bewurkingsskiednis nl:Loppem Commons Wikimedia Commons  Ofbylden dy't by dit ûnderwerp hearre, binne te finen yn de kategory Loppem fan Wikimedia Commons.