Rûbtsovsk

Rûbtsovsk (Russysk: Рубцо́вск) is in stêd yn de kraj Altai yn it suden fan Sibearje. It is it bestjoerlike sintrum fan it rajon mei deselde namme.

Rûbtsovsk Рубцо́вск
Aartsingel Michaeltsjerke
Emblemen
Bestjoer
Lân	Ruslân
kraj	Altai
Sifers
Ynwennertal	139.565 (2021)
Oerflak	84 km²
Befolkingsticht.	1661,49 ynw./km²
Hichte	215 m
Oar
Stifting	1892 stêd sûnt 1927
Tiidsône	UTC+7 MSK+4
Koördinaten	51° 31' N 81° 13' E
Offisjele webside
rubtsovsk.org

Skiednis

It plak waard yn 1886 stifte as it doarp Rûbtsovo, dat ferneamd waard nei de earste, út it gûvernemint Samara ôfkomstige bewenner Michaïl Rûbtsov. Yn 1892 krigen de bewenners it rjocht om it lân te brûken en dat jier jilt as offisjeel stiftingsjier.

Yn 1915 waard it spoar Novonikolajevsk (hjoeddedei Novosibirsk)-Barnaul-Semipalatinsk oanlein oer it doarpsgebiet, sadat it doarp in ekonomyske ynpuls krige.

It doarp krige yn 1927 de nije namme Rûbtsovsk en it stedsrjocht.

Yn de Twadde Wrâldkriich ferhûze in bedriuw foar de produksje fan lânboumasines út Odessa en in traktorfabryk út Charkov nei Rûbtsovsk. Dat feroarsake in grutte oanwaaks fan it tal ynwenners.

Nei de Twadde Wrâldkriich lei yn Rûtsjovsk it kriichsfinzenenkamp 511 foar Dútske kriichsfinzenen.

It besjen wurdich

De stêd hat in teäter en in streekmuseum.

De houten Michaeltsjerke út 1906 is bewarre bleaun.

Befolkingsûntwikkeling

Untjouwing ynwennertal Rûbtsovsk (1840-2022)

Jier	1939	1959	1970	1979	1989	2002	2010	2010	2022
Befolking	37.709	111.357	144.951	157.082	171.792	163.063	147.002	139.565

Berne

• Raisa Gorbatsjova (1932–1999)
• Anatol Ugorski (1942-), pianist
• Boris Eifman (1946-), goreograaf
• Vladimir Rysjkov (1966-), politikus
• Jelena Tsjalych (1974-), hurdfytser
• Olga Kûzjûkova (1985-), skylanglaufer
• Igor Jûrganov (1993-), fuotballer

Ofbylden dy't by dit ûnderwerp hearre, binne te finen yn de kategory Rûbtsovsk fan Wikimedia Commons.