RTV Drenthe is de regionale radio- en telefyzje-omrop fan 'e Nederlânske provinsje Drinte. Dizze is ûntstien nei de opdieling fan Radio Noord (oant dan de regionale stjoerder fan Grinslân en Drinte) yn 1989. De omrop is fêstige yn Assen.

RTV Drenthe
medium radio, tillefyzje
nasjonaliteit Nederlânsk
taal Nederlânsk, Drintsk
oprjochte 1989
haadkertier Assen, Drinte
ûntfangstgeb. Drinte
eigner n.f.t. (selsstannige omropstifting)
webside www.rtvdrenthe.nl

Radio Drenthe stjoert 24 oeren deis út en bringt sawol nijs-, muzyk- as praatprogramma's, wêrfan't in lyts part yn it Drintsk presintearre wurdt. TV Drenthe fersoarget in goed oere stjoeringstiid deis, en dat is meastentiids in kombinaasje fan it deiske nijs út 'e regio en in wykliks temaprogramma. De útstjoerings begjinne krekt foar 18:00 oere. De rest fan 'e jûn en nachts wurde de útstjoerings werhelle of is der teksttelefyzje te sjen.