Radolfzell am Bodensee

Radolfzell am Bodensee is in stêd yn de Dútske dielsteat Baden-Wuertemberch. De stêd is op twa nei de grutste stêd fan de lânkring Konstanz en de iennige stêd mei de tafoeging am Bodensee. Sûnt 1 jannewaris 1975 is de stêd in Große Kreisstadt.

Radolfzell am Bodensee
Sintrum
Emblemen
Polityk
Lân	Dútslân
dielsteat	Baden-Wuertemberch
lânkring	Konstanz
Stedsyndieling	kearnstêd mei 6 stedsdielen
Sifers
Ynwennertal	31.582 (2021)
Oerflak	58,55 km²
Befolkingsticht.	539 ynw./km²
Hichte	404 m.
Oar
Postkoade	78315
Koördinaten	47° 44' N 8° 58' E
Offisjele webside
www.radolfzell.de
Kaart

Radolfzell is in kuerplak (Mettnaukur/Mettnau) en foarmet in knooppunt foar treinen. De stêd hat yndustry yn de masinebou, taleveringsbedriuwen foar de autoyndustry en tekstyl- en fiedingsmiddelenyndustry.

Namme

Radolfzell waard yn it jier 826 as de Cella Ratoldi stifte troch biskop Radolf fan Verona (amtstiid 799 oant 840, ferstoarn yn 847).

Geografy

Radolfzell leit oan de noardwestlike igge fan de Bodensee, oan it diel dat de Untersee hjit. It stedsgebiet leit by de Bodensee tusken 395 meter boppe de seespegel oant 675 meter boppe seenivo by it doarp Liggeringen. Oan de eastlike kant leit yn it doarpsgebiet fan Möggingen de likernôch twa kilometer lang en 600 meter brede Mindelsee.

Stedsyndieling

Njonken de stêd hearre sûnt de weryndielings fan 1974 ek de earder selsstannige plakken:

• Böhringen
• Güttingen
• Liggeringen
• Markelfingen
• Möggingen
• Stahringen

Ofbylden

• 
  Us-leaffrou fan Radolfzell
• 
  Bodensee by Radolfzell
• 
  Kriichsmonumint

• 
  Lânskip by Möggingen
• 
  Iepenloftpoadium by de haven
• 
  Tsjerke fan Stahringen

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: de:Radolfzell am Bodensee. Commons Wikimedia Commons  Ofbylden dy't by dit ûnderwerp hearre, binne te finen yn de kategory Radolfzell am Bodensee fan Wikimedia Commons.