Rijssen

Rijssen (Nedersaksysk: Riesn) is in stêd en eardere gemeente yn de Nederlânske provinsje Oerisel, yn de gemeente Rijssen-Holten dêr't de stêd it haadplak fan is. Rijssen hat 28.885 ynwenners (2023).

Rijssen
Herfoarme tsjerke yn Rijssen (2024)
Emblemen
Bestjoer
Lân	Nederlân
Provinsje	Oerisel
Gemeente	Rijssen-Holten
Sifers
Ynwennertal	28.885 (2023)
Oerflak	28,07 km² dêrfan lân: 27,96 km² dêrfan wetter: 0,11 km²
Befolkingsticht.	1.029 ynw./km²
Oar
Ferkearsieren	Spoar fan Dimter nei Almelo, N347, N350
Tiidsône	UTC +1
Simmertiid	UTC +2
Koördinaten	52° 18' NB, 6° 31' EL
Kaart

Skiednis

De âldste fermelding fan Rijssen is yn list fan lânguod fan de greve fan Dale (1188), dêr't de parrochia Risnen yn neamd wurdt. De hjoeddeiske protestantske Skildtsjerke, de Sint-Dionysiustsjerke, foarme it sintrum fan it kerspel Risnen. De biskop Otto fan Hollân ferliende oan it doarp Rijssen al op 5 maaie 1243 stedsrjochten. Dy rjochten holden yn dat de stêd Rijssen twa jiermerken hâlde mocht en twa wykmerken. De stêd krige ek it rjocht om him te ferdigenjen, wat Rijssen die troch it oanlizzen fan wâlen en grêften.

Yn de nacht fan 25 op 26 maart 1945 stoarte in V1 raket del op Rijssen wêrby't 9 minsken om it libben kamen. In út Dútslân weromkommend Ingelsk fleantúch smiet in bom op it plak fan de flammesee, wêrtroch 't noch mear slachtoffers foelen. Yn totaal kamen der 23 minsken om it libben.

Ferkear en ferfier

Rijssen is berikber fia de provinsjale diken 347 en 350 en fierder is der in treinstasjon, stasjon Rijssen oan it Spoar fan Dimter nei Almelo.

• 
  Pelmole Ter Horst (2004)
• 
  Bûten Oosterhof (2013)
• 
  Stasjon Rijssen (2008)
• 
  Grifformearde Tsjerke Rijssen (2015)
• 
  Parkggebou volkspark Rijssen (2006)
• 
  deisanatoarium yn Rijssen (2013)

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Rijssen fan Wikimedia Commons.