Romy Schneider, skûlnamme fan Rosemarie Magdalena Albach (Wenen, 23 septimber 1938 - Parys, 29 maaie 1982) wie in Eastenryksk aktrise, dy't trochbrutsen is mei de rol fan Elisabeth fan Eastenryk yn Ernst Marischka's filmsyklus Sissi.

Romy Schneider
akteur
Romy Schneider, (1973)
Romy Schneider, (1973)
persoanlike bysûnderheden
echte namme Rosemarie Magdalena Albach
nasjonaliteit Eastenryksk,
Dútsk
berne 23 septimber 1938
berteplak Wenen
stoarn 29 maaie 1982
stjerplak Parys
jierren aktyf 1953-1982

Libben bewurkje seksje

 
Schneider op it affysje fan Ein Engel auf Erden (1959)

Se wie de dochter fan Magda Schneider en Wolf Albach-Retty, dy't beide ek akteur wiene. Omdat har mem Dútske wie en Wenen ûnder har berte by Dútslân hearde, krige Romy de Dútske nasjonaliteit. Har beppe Rosa Albach-Retty wie ek in bekende Eastenrykse aktrise.

De Sissi-films (1955-1958) makken Schneider wrâldwiid sa ferneamd, dat se dêrnei nea wer fan it sûkerswiete imago fan dy rol ôfkaam. Mei beide hannen naam se dan ek it oanbod oan om te aktearjen yn de frijwat swiermoedige film Christine. By de opnamen yn 1958 krige se in relaasje mei har meiakteur, de Frânsman Alain Delon en ferfear mei him nei Parys. Se wurke dêr ûnder oare mei Luchino Visconti en Orson Welles. Hoewol't se troch it publyk noch hieltyd as Sissi sjoen waard, betsjutte dizze feroaring yn har karriêre al de ûntsnapping oan har imago. Fia Frankryk kaam se yn 1963 yn Hollywood, dêr't se tegearre mei Jack Lemmon yn Good Neighbor Sam spile, har earste Amerikaanske film. It is ien fan de pear komeedzjes dêr't se in haadrol yn spile hat. Yntusken rûn yn 1964 har relaasje mei Delon op 'e non. Yn 1965 spile se mei Woody Allen yn What's New, Pussycat?. Letter spile se noch mei Alain Delon yn de broeierige misdiedfilm La Piscine en yn it histoarysk drama The Assassination of Trotsky (1971). Yn 1972 spile Schneider noch ien kear de rol fan Elisabeth fan Eastenryk, no yn de film Ludwig oer de neef fan Elisabeth, de kening fan Beieren Loadewyk II.

Yn 1966 boaske se mei Harry Meyen. Yn datselde jier waard harren soan David berne. Mar ek dizze relaasje rûn op neat út. Op 'e dei nei de skieding boaske se mei har priveesekretaris Daniel Biasini. Yn de simmer fan 1977 waard dochter Sarah Magdalena berne. it oarlochsdrama La passante du Sans-Souci, soe de lêste film wurde dêr't Schneider yn te sjen wie.

Yn 1981 gie it minder yn har priveelibben. Nei de skieding fan Biasini ferûngelokke har soan David: hy waard op 5 july spytse op in stek doe't er nei ûnderen foel by it boartjsen by it hûs fan de âlden fan Biasini. Net lang nei de premjêre fan La passante du Sans-Souci op 14 april 1982 yn Frankryk, waard se dea yn har wenning yn Parys oantroffen. In oerdoasis slieppillen soe de oarsaak west hawwe, mar letter waard dat tsjinsprutsen en waard sein dat in hertoanfal de oarsaak fan har iere ferstjerren is. Se waard begroeven op it begraafplak fan Boissy-sans-Avoir. Har soan David rêst yn itselde grêf.

Filmografy karút bewurkje seksje

 
Romy Schneider as Sissy yn 1955
Filmografy as akteur
jier titel rol of funksje opmerkings
films
1953 Wenn der weiße Flieder wieder blüht Evchen Förster
1954 Mädchenjahre einer Königin Princess Victoria / Queen Victoria
1954 Feuerwerk Anna Oberholzer
1955 Sissi Sissi
1956 Sissi - Die junge Kaiserin Sissi
1957 Sissi - Schicksalsjahre einer Kaiserin Sissi
1957 Robinson soll nicht sterben Maud
1957 Monpti Anne-Claire Jouvain
1958 Eva Nicole
1958 Mädchen in Uniform Manuela von Meinhardis
1958 Christine Christine Weiring
1961 Boccaccio '70 Pupe (segment Il lavoro)
1962 The Trial Leni
1962 The Victors Regine
1963 The Cardinal Annemarie von Hartman
1964 Good Neighbor Sam Janet Lagerlof
1965 What's New, Pussycat? Carole
1965 10:30 P.M. Summer Claire
1966 Triple Cross Countess
1968 Otley Imogen
1969 La Piscine Marianne
1970 La califfa Irene Corsini
1970 Les choses de la vie Hélène
1970 My Lover My Son Francesca Anderson
1971 Bloomfield Nira
1971 The Assassination of Trotsky Gita Samuels
1972 César et Rosalie Rosalie
1972 Ludwig Elisabeth fan Eastenryk
1973 Le Train Anna Kupfer
1974 L'important c'est d'aimer Nadine Chevalier
1975 Le Vieux Fusil Clara Dandieu
1975 Les Innocents aux mains sales Julie Wormser
1977 Gruppenbild mit Dame Leni Gruyten
1978 A Simple Story Marie
1979 Bloodline Hélène Martin
1979 Clair de femme Lydia
1979 Death Watch Katherine Mortenhoe
1981 Fantasma d'amore Anna Brigatti Zighi
1981 Garde à vue Chantal Martinaud
1982 La Passante du Sans-Souci Elsa Wiener/Lina Baumstein

Keppeling om utens bewurkje seksje

  Ofbylden dy't by dit ûnderwerp hearre, binne te finen yn de kategory Romy Schneider fan Wikimedia Commons.