In sânplaat, of sânbank, is in opheaping fan sân op de boaiem fan in see, rivier of in mar. In sânplaat ûntstiet troch it stoarten fan sân yn see, mar meastentiids troch de streamingen yn de seeën. It sân bliuwt yn de measte gefallen ûnder wetter wat it gefaarlik makket foar de skipfeart. In bekend foarbyld fan in sânbank is de Doggersbank yn de Noardsee en de Thorntonbank foar de Belgysk-Nederlânske kust.

Sânbank


Sânplaten kinne útgroeie ta eilannen. Sa no en dan komt it foar dat in sânbank sa heech wurdt dat dizze net mear de hiele tiid ûnder stiet. Yn dat gefal kin sân him ôfsette wêrtroch de plaat noch heger wurdt en fegetaasje him ôfsette kin. Der binne platen dy't dan sa heech wurde dat se allinnich noch mar by springfloed ûnder wetter komme te stean. De Boskplaat by Skylge is sa'n sânplaat. Ek de Dútske Kachelotplate is in foarbyld dêrfan. Dizze plaat is sûnt 2003 sels in erkend eilân.

Sânplaten wurde in protte brûkt troch bisten as fûgels en seehûnen, der is in soad iten foar de bisten te finen. Minsken komme der net folle.