Shada Nasser

Shada Muhammed Nasser (Arabysk: شادة محمد نسر; sekuerder transliterearre as Šadaẗ Muḥammad Nasr, berne yn 1964) is in Jemenityske abbekate, feministe en minskerjochte-aktiviste.

Shada Nasser
persoanlike bysûnderheden
echte namme	Shada Muhammed Nasser (شادة محمد نسر)
nasjonaliteit	Jemenitysk
berne	1964
berteplak	? (Jemen)
etnisiteit	Jemenitysk-Arabysk
wurkpaad
berop/amt	abbekate
aktyf as	minskerjochte-aktiviste
reden   bekendheid	stie yn 2009 de 10-jierrige    Nojoud Ali by doe't dy in    skieding oanfrege

Libben en karriêre

Nasser har abbekatekantoar yn 'e Jemenityske haadstêd Sana'a, dat se iepene yn 'e njoggentiger jierren, wie it earste yn Jemen dat laat waard troch in frou. Nasser boude har kliïntêle op troch har tsjinsten oan te bieden oan froulike finzenen. Yn 2008 krige hja ynternasjonale bekendheid doe't se de saak fan Nojoud Ali op har naam, in njoggenjierrich famke dat úthylke wie troch har heit, mar op eigen manneboet by de rjochtbank in skieding oanfrege.

Yn 2009 waard se tegearre mei Nojoud Ali troch it Amerikaanske frouljusblêd Glamour útroppen ta "Frou fan it Jier". Hoewol't Nasser fûleindige tsjinstân ûnderfynt fan konservative en ekstremistyske organisaasjes en yndividuën yn Jemen, is se net fan doel en jou har striid op. "Wêrom? Om't ik in mem bin en in dochter haw dy't like âld is as Nojoud."

Boarnen, noaten en referinsjes

Boarnen, noaten en/as referinsjes:

Noaten Boarnen Madabish, Arafat, Sanaa's first woman lawyer, yn: Asharq Alawsat: English edition, 28 maart 2009 (http://www.aawsat.com/english/news.asp?section=3&id=16210). Power, Carla, Nujood Ali & Shada Nasser win "Women of the Year Fund 2008 Glamour Award", yn: The Yemen Times, 12 augustus 2009 (http://www.yementimes.com/DefaultDET.aspx?i=1207&p=report&a=1). Walt, Vivienne, A 10-Year-Old Divorcée Takes Paris, 3 febrewaris 2009, (http://www.time.com/time/world/article/0,8599,1876652,00.html). Yemeni Lawyer Battles Tradition and Opposition to End Child Marriage (http://www.australianwomenonline.com/yemeni-lawyer-battles-tradition-and-opposition-to-end-child-marriage/).