Skamhier

Skamhier as pubarche is it hier op de skamte dat yn de puberteit groeit. It waaksen kin begjinne op jierren fan ± 9 oan ± 17, trochstrings mei 11/12 jier by famkes en 13/14 jier by jonges. De langte, kleur, mannichte en tsjûkens fan it skamhier kin de persoan en it ras ferskille. It skamhier liket wat struktuer en kleur oanbelanget op de eachbrauwen en net sa folle op it hier op de holle. Skamhier is in sekundêr geslachtsskaaimerk.

Dit artikel is in stobbe oer anatomy.
Jo wurde útnûge en foegje jo witten hjir ta.

Sin fan skamhier

De fiere foarâlden fan de minske fan no, homo ergaster en/of homo erectus, hienen fan boppe oant ûnder hier. Yn de rin fan de evolúsje rekke de minske lykwols it meastepart fan syn hier kwyt. Wat kin dan de sin fan it skamhier wêze? It antwurd soe gearhingje kinne mei rook. Dy is fan belang by de seksuele oanlokking tusken minsken, lykas ek by ferskaat oan bisten. Ek hjoeddendei reagearje minsken dêrop, mar sy witte it net, troch harren fomeronasaal rookorgaan, dat is in tige lyts oerâld ekstra rookorgaan. De hierren ûnder de oksels, tusken de billen en om de geslachtsdielen hinne kinne rook fêsthâlde en ferspriede. In oare reden soe wêze kinne dat skamhier tsjut op seksuele ripens.

Keppeling om utens

Wikimedia Commons

Ofbylden dy't by dit ûnderwerp hearre, binne te finen yn de kategory Pubic hair fan Wikimedia Commons.