Strjitte fan Gibraltar
De Strjitte fan Gibraltar (Spaansk: Estrecho de Gibraltar, Arabysk: مضيق جبل طارق), neamd nei de Britske pleats Gibraltar, is de see-ingte tusken Marokko (Afrika) en Spanje (Jeropa). De breedte is 14 oant 44 km, de lengte om-ende-by 60 km en it is op syn djipst 900 m.
| Strjitte fan Gibraltar | ||
| ||
| geografy | ||
| type wetter | see-ingte | |
| lokaasje | tusken it Ibearysk Skiereilân en de Magreb | |
| lân |  Gibraltar Marokko Spanje
| |
| koördinaten | 35°58′ N, 5°29′ W | |
| ûnderdiel fan | Atlantyske Oseaan | |
| sifers | ||
| maks. lingte | 60 km | |
| maks. breedte | 44 km | |
| djipste punt | 900 m | |
De Strjitte fan Gibraltar is tagelyk it ferbiningspunt tusken de Middellânske See en de rest fan de Atlantyske Oseaan. It is dêrom in tige strategysk punt.
De âlde Griken neamden de ingte tusken de beide rotseftige kapen de Pylders fan Herkules, dy't de ein fan de wrâld markearden.
Yn maart 2007 makke de premier fan Spanje, José Luis Rodriguez Zapatero, bekend dat der grutte plannen bestean om in tunnel oan te lizzen ûnder de strjitte. Hjirtroch soe in hegensnelheidstrein ride kinne. Neffens Zapatero sil de tunnel yn beide kontininten soargje foar 'groei, ûntwikkeling en foarspoed'.
De reden dat de Middellânske See (sawat) gjin tij hat, komt trochdat it wetter net genôch tiid hat om troch de Strjitte fan Gibraltar te streamen.
Plakken
bewurkje seksjePlakken oan de Strjitte fan Gibraltar:
Ofbylden
bewurkje seksje-
Gibraltar -
De seestrjitte út in fleantúch wei besjoen
