Theatre World Award
De Theatre World Award is in Amerikaanske teäterpriis dy't elts jier oan it begjin fan juny yn New York útrikt wurdt oan ferskate akteurs en/of aktrises, foar in treflik teäterdebút op Broadway of off-Broadway yn 'e stêd New York. Dizze priis waard oarspronklik ynsteld troch John A. Willis, de haadredakteur fan it gesachhawwende Newyorkske teäterjierboek Theatre World, en hy waard foar it earst útrikt yn 1946, foar it teäterseizoen 1945-1946. De trofee is in byldsje, ûntwurpen troch keunstner Harry Marinsky, dat bekend stiet as de 'Janus', nei de Romeinske god fan opkomsten, ôfgongen en alle soarten fan begjinnen.
| Theatre World Award | ||
| algemiene ynformaasje | ||
| nasjonaliteit |  Amerikaansk
| |
| útrikt foar | treflik teäterdebút yn New York | |
| útrikt troch | Theatre World Award Foundation | |
| frekwinsje | 1x jiers | |
| datum | begjin juny | |
| plak | New York (New York) | |
| ynsteld | 1946 | |
| 1e útrikking | 1946 | |
| offisjele webside | ||
| www.theatreworldawards.org | ||
Ferbûn mei Theatre World Award binne twa spesjale prizen, dy't ûnder deselde seremoanje útrikt wurde. De Dorothy Loudon Starnaby Award waard yn 2009 ynsteld en wurdt útrikt troch de Dorothy Loudon Foundation. Dizze priis is ferneamd nei de aktrise Dorothy Loudon, en waard yn 2013 omneamd ta de Dorothy Loudon Award for Excellence in the Theater. Yn 2013 waard ek de John Willis Award ynsteld (ferneamd nei de oprjochter fan 'e World Theatre Awards), dat in oeuvrepriis is, dy't de earste kears wûn waard troch toanielfeteraan Alan Alda. Foar in list mei winners fan 'e Theatre World Award en ferbûne prizen, sjoch op dizze side, op 'e Ingelske Wikipedy.
Keppelings om utens
bewurkje seksje| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |