Tjalling Goedemoed
Tjalling Goedemoed (Grou, 2 maart 1971 - Ljouwert, 6 maaie 2016) wie in Frysk dammer mei de titel nasjonaal master. By De Oldehove yn Ljouwert hat er it langst spile. De lêste tiid kaam Goedemoed út foar Damkombinaasje Fryslân.
| Tjalling Goedemoed | ||
 sporter
| ||
| persoanlike bysûnderheden | ||
| bertedatum | 2 maart 1971 | |
| berteplak | Grou | |
| stjerplak | Ljouwert | |
| lingte | 6 maaie 2016 | |
| sportive ynformaasje | ||
| sport | Damjen | |
| wichtige prestaasjes | ||
| 4x Frysk kampioen | ||
Op de basisskoalle yn Grou kaam er yn oanrekking mei it damjen. Goedemoed begûn syn damkarriêre by De Toer yn Grou. Hy waard twadde op it NK aspiranten en junioaren. Nei twa jier bruts er syn stúdzje psychology ôf en krige mei medisinen syn depresje ûnder kontrôle. Goedemoed waard fjouwer kear kampioen fan Fryslân, yn 1991, 2002, 2004 en 2014 en waard seis kear twadde. Hy die yn totaal 19 kear mei oan it FK.
Dampromoasje
bewurkje seksjeAs damspiler hat er in soad betsjutten foar de promoasje fan damjen, hy die dat op in eigen wize. Hy kaam bygelyks graach mei bynammen foar damspilers en kaam ek mei kreative nammen foar bepaalde damjen of formaasjes (spesifike regeling fan damjen) Goedemoed fersoarge 22 jier lang de damrubryk yn it Friesch Dagblad en jierrenlang wied er redakteur fan it clubblêd fan De Oldehove, de Zwart&Wit. Neist oprjochter fan Damskoalle Ljouwert joech er damtrening op basisskoallen. Hy wie ek bekend as damtrener, promotor en publisist. Syn boek 'A Course in Draughts' is yn ferskate talen oerset, wêrûnder it Sineesk. Yn 2015 ferskynde syn boek The art of winning. Yn 2013 krige hy foar syn wurk de earste promoasjepriis fan it ynternasjonale dambûn FMJD útrikt.
Neist jeugdtrener fan opkommende damlannen lykas Tsjechje wie er ek bûnstrener fan de Sintrale Junioaretrening. Goedemoed makke lesmateriaal Frysk damjen en foar it Nederlânsk Dambûn makke er it online treningsprogramma Dammentor.
As earebetoan waard in jier nei syn jong ferstjerren waard in Tjalling Goedemoed Memorial yn Wânswert organisearre troch Damkombinaasje Fryslân, it team fan Goedemoed.
Ynnovaasje
bewurkje seksjeHy wie ien fan de betinkers fan de formule foar it NK Rapid. Ek betocht hy it Ktar damjen, in spulfariant ûntworpen om it tal remizes yn it damjen te ferminderjen.'[1] Ek wie hy kertiermaster fan de saneamde ekspery-damtoernoaien (betocht troch Jan Pieter Drost) en Killer damjen. Op de eksperi-damtoernoaien waarden yn de praktyk ferskate spulfarianten mei in lytsere lykspulmarzje hifke. Syn 3 foar 1 Akademy wie bedoeld om út te finen hoe’t it bêste trochgien wurde koe mei spyljen yn in 3 om 1 einspul. Ta syn dampromoasje hearde ek it oanbieden fan simultane kompetysjes.
Tjalling Goedemoed begûn letter mei skaken by Schaak Combinatie Leeuwarden en Frysk damjen by damklup Hartwert.
Puzels
bewurkje seksjeGoedemoed wie net allinnich dammer en wiskundige, mar wie ek betinker fan puzels as breinbrekkers, anagrammen, kryptogrammen en magyske fjouwerkanten en tinkspullen lykas Meteoor en Krokodil.[2] Fierders wie hy de betinker fan in didaktysk rekkenspul foar skoalbern.[3]
Bibliografy (seleksje)
bewurkje seksje- Toernoaiboek Frysk kampioenskip (1999)
- Hoofdlijn, rige artikels oer de Keller-iepening (2001)
- PFDB jubileumboek (2003)
- It werskriuwen fan ‘Oom Jan leert zijn neefje dammen’ (2007). Yn syn ferzje fan it boek hjit de omkesizzer Roy, ynspirearre op dammer Roy Coster, lid fan damclub SNA yn Heerhugowaard.
- A course in draughts'’, in gids foar it ynternasjonale spul fan 10 x 10 konsepten. It jout strategyske begelieding foar spilers en leart se hoe't se posysjes goed beoardiele kinne. Dit boek waard oersetten yn it Spaansk, Frânsk, Portugeesk, Italjaansk, Tsjechysk, Mongoalsk, Japansk en Sineesk.
- De keunst fan it winnen (2015)
Sjoch ek
bewurkje seksje| Boarnen, noaten en/as referinsjes: |
Referinsjes
|