Torzjok

Torzjok (Russysk: Торжо́к) is in stêd yn it oblast Tver yn Ruslân. De stêd leit oan de rivier de Tvertsa.

Torzjok
Aartsingel Michaeltsjerke (1874-1887)
Flagge	Wapen
Polityk
Lân	Ruslân
Oblast	Tver
Sifers
Ynwennertal	43.614 (2021)
Oerflak	58,8 km²
Befolkingstichtens	741,73 ynw./km²
Hichte	165 m
Oar
Stifting	1139 stedsrjochten sûnt 1775
Tiidsône	(UTC+3)
Koördinaten	57° 02' N 34° 58' E
Webside	Side stêd

Oant it midden fan de 15e iuw wie it in grinsstêd fan de Republyk Novogrod. De stêd wie eartiids fanút de súdlike regio's fan Ruslân in hannelssintrum op de rûte nei Novgorod en Sint-Petersburch.

De stêd hat in grutte tichtheid fan monuminten út de 17e oant de 19e iuw.

Skiednis

Under de plakken fan it oblast Tver is Torzjok ien fan de âldste. Foar it earst yn 1139 neamd is Torzjok acht jier âlder as Moskou. Yn dy tiid wie Torzjok ûnder it bewâld fan de grutfoarst fan Sûzdal en de stifter fan Moskou Joeri Dolgorûki. De namme soe in ferwizing wêze kinne nei de eardere betsjutting fan Torzjok as hannelsplak (Russysk en Aldslavysk torg).

Torzjok op in kaart fan 1674

As grinsstêd fan de Republyk Novgorod wie Torzjok yn de 13e iuw in militêre basis. Torzjok waard yn 1238 troch de Tataren ferneatige en iuwenlang soe it plak lêst hâlde fan oanfallen fan fijannen. Yn 1478 waard it tegearre mei de gebieten fan Novgorod by it Grutfoarstendom Moskou foege, Torzjok krige in oanlisplak foar de boaten oan de wetterrute tusken Novgorod en Moskou en sûnt makke de stêd opgong as hannelsstêd. Ek it ambacht waard yn de 15e iuw jimmeroan belangriker yn Torzjok.

Oan it begjin fan de 18e iuw soe de stifting fan de nije haadstêd Sint-Petersburch en de oanlis fan in wei fan it nije haadplak nei Moskou in grutte bydrage leverje oan de ekonomyske foarútgong fan Torzjok. Yn 1775 krige Torzjok stedsrjochten en seis jier letter waard in werynrjochtingsplan foar de stêd ûntwikkele. Yn de dessinia dêrnei waard de stêd yn klassisistyske styl op 'e nij boud, itjinge ek hjoeddedei noch goed oan de stêd te sjen is. Om't de stêd yn de twa wrâldkrigen net in soad fan materjele skea te lijen hân hat, is Torzjok tsjintwurdich noch ryk oan histoaryske monuminten.

Befolkingsûntwikkeling

Demografyske ûntwikkeling fan Kaljazin fan 1897 oant 2018
Jier	1897	1939	1959	1970	1979	1989	2002	2010	2018	2021
befolking	12.698	29.309	34.921	45.443	47.214	49.982	48.967	47.644	45.641	43.614

It besjen wurdich

Houten Himelfearttsjerke

Bestjoersgebouwen

Torzjok is tsjintwurdich in monumint fan russyske stêdebou. De stêd hat in grut tal klassisistyske hearehûzen en oare gebouwen en tsjerken en kleasters.

• De houten Tsjerke fan de Himelfeart fan Kristus (1653)
• Katedraal Yntocht yn Jeruzalim (1841-1842)
• Boris- en Glebkleaster (stifte yn 1038)
• Ferkundigings- of Aartsingel Michaeltsjerke (1874-1887)
  • Marije-Presintaasjetsjerke (1670)
  • Boris- en Glebkatedraal (1785–1796)
  • Klokketoer (1804)
• Transfiguraasjetsjerke (1815–1822)
• Opstanningskleaster (16e iuw)

• Klassisistyske hûzen
  • Residinsje tsarina Katarina de Grutte (jierren 1770)
  • Stêdhûs en bestjoersgebouwen
  • Merkehallen
  • Patrisiërshûzen

Berne

• Trifon fan Petsjenga, sfiter fan it Petsjenga-kleaster
• Aleksander Michailovitsj Semjonov (1922-1984), skilder
• Aleksander Abramovitsj Voskressenski (1808–1880), skeikundige
• Alexej von Jawlensky (1863 of 1865-1941), skilder
• Gennadi Michailovitsj Golûsin (1906–1952), wiskundige
• Joeri Nikolajevitsj Chochlov (1922–2010), muzykwittenskipper
• Aleksander Semjonov (1922–1984), skilder

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Torschok Commons Wikimedia Commons  Ofbylden dy't by dit ûnderwerp hearre, binne te finen yn de kategory Torzjok fan Wikimedia Commons.