Transfiguraasjekatedraal (Chabarovsk)

De Katedraal fan de Transfiguraasje (Russysk: Спасо-Преображенский собор; Spaso Preobrazjenski sobor) is de wichtichste otterdokse tsjerke fan 'e Russyske stêd Chabarovsk. De katedraal is mei in hichte fan 96 meter ynklusyf krús ien fan 'e heechste katedralen fan it lân. Allinne de Kristus-Ferlosserkatedraal fan Moskou en de Izaäkkatedraal yn Sint-Petersburch soene heger wêze as de Transfiguraasjekatedraal.

Transfiguraasjekatedraal Преображенский собор
Lokaasje
lân	Ruslân
kraj	Chabarovsk
plak	Chabarovsk
adres	Ul. Toergenjev, 24
koördinaten	48° 27' N 135° 04' E
Arsjitektuer
arsjitekt	Joeri Zjiveteva, Nikolai Prokoedina, Evgenija Semenov
boujier	2001-2004
Webside
soborkhv.ru
Kaart

De tsjerke waard yn 'e jierren 2001-2004 neffens in tradisjoneel ûntwerp boud. It bouwurk hat fjouwer lytse koepels en ien sintrale grutte koepel yn Oekraynske styl. Yn 'e katedraal passe mear as 3.000 minsken. It ynterieur fan 'e tsjerke is dekorearre mei fresko's fan keunstners út Moskou, mei yn 'e koepel Kristus mei de apostels.

De spektakulêre lokaasje fan 'e katedraal waard troch Aleksius II, de patriarch fan Moskou en hiel Ruslân, by in flecht oer de stêd útkeazen. It plein dêr't de katedraal oan stiet jout in prachtich útsjoch oer de Amoer.

• 
  Ynterieur boppetsjerke
• 
  Ynterieur benedentsjerke

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Преображенский собор (Хабаровск) Commons Wikimedia Commons  Ofbylden dy't by dit ûnderwerp hearre, binne te finen yn de kategory Transfiguraasjekatedraal, Chabarovsk fan Wikimedia Commons.