De troanrede is in regearferklearring dy't alle jierren troch de Kening fan de Nederlannen op Prinskesdei yn de Ridderseal foardroegen wurdt. De troanrede bestiet tradisjoneel út twa eleminten:

  • Beskôgings oer wat der yn it ôfrûne tiidrek yn Nederlân en op oare plakken yn 'e wrâld bard is.
  • Oankundigings fan plannen en maatregels op it mêd fan wetjouwing en bestjoer.
Troanrede 2015

Ta stân kommen fan de troanrede bewurkje seksje

De troanrede wurdt foar it grutste part troch de ministers skreaun en wurdt ûnder politike ferantwurdlikens fan it kabinet útsprutsen. De tekst wurdt troch in protte minsken feroare ear't er foardroegen wurdt. De minister-presidint hat dêr de regy by yn hannen: hy moat derfoar soargje dat it in gearhingjend ferhaal wurdt mei in logyske opbou. In earste konsept wurdt yn de ministerried bepraat.