Tsjesmetsjerke
De Tsjesmetsjerke (Russysk: Чесменская церковь; Tsjesmenskaja tserkov; "Çeşme-tsjerke"), of de Jehannes de Dopertsjerke, is in tsjerkegebou by it Tsjesmepaleis (церковь Рождества Иоанна Предтечи при Чесменском Дворце; tserkov Rozjdestva Ioanna Predtetsji pri Tsjesmenskom Dvortse) yn 'e bûtenwyk fan Sint-Petersburch yn Ruslân.
| Tsjesmetsjerke | ||
| ||
| ||
| Lokaasje | ||
| lân |  Ruslân
| |
| plak |  Sint-Petersburch
| |
| adres | Ul. Lensoveta, 12 | |
| koördinaten | 59° 51' N 30° 19' E | |
| Tsjerklike gegevens | ||
| patroanhillige | Jehannes de Doper | |
| Arsjitektuer | ||
| arsjitekt | Georg Friedrich Veldten | |
| boujier | 1777-1780 | |
| boustyl | pseudogotyk | |
| monumintale status | federaal monumint | |
| Webside | ||
| chesma.spb.ru | ||
| Kaart | ||
  | ||
Skiednis bewurkje seksje
Neffens de oerlevering krige keizerinne Katarina de Grutte op it plak fan de tsjerke it nijs fan 'e koerier oer de Russyske oerwinning op 'e Turken by Çeşme. De tsarina joech de arsjitekt Joeri Matvejevitsj Felten (Dútsk: Georg Friedrich Veldten), de arsjitekt dy 't ek de Alde Hermitaazje boude, opdracht om tusken 1777 en 1780 de tsjerke yn 'e styl fan de Russyske pseudogotyk te bouwen om de oerwinning fan it Russyske leger by de Slach by Çeşme te betinken.
De keizerinne sels soe regelmjittich in besite bringe oan 'e tsjerke en hja hie dêr har eigen plak. Om't de Tsjesmetsjerke net ferwaarme wie en it dêr winterdeis kâld wie, waard yn it Tsjesmepaleis yn 1811 in oan 'e berte fan Kristus wijde wintertsjerke ynwijd.
Nei de machtsoername fan 'e bolsjewiken waard de tsjerke op 1 juny 1919 sletten. De klokken waarden yn 1924 omraand en ynstee fan krusen waarden der foarstellings fan ark op de koepels set. By in brân yn 1930, doe't it gebou net mear as tsjerke tsjinne, giene mei de rest fan it ynterieur de oarspronklike Italjaanske ikoanen ferlern.
Yn 'e Twadde Wrâldoarloch rekke it gebou slim skansearre, mar nei de oarloch waard de tsjerke konservearre. Yn 'e jierren 1960 fûn der in grutte restauraasje ûnder lieding fan A.P. Kulikov plak. De bouelemeninten dy't ferlern gien wiene, waarden rekonstruearre, it ynterieur waard renovearre en nije klokken waarden getten. Yn 1977 waard de restaurearre tsjerke as in filiaal fan it Maritime Museum iepene, mei omtinken foar de Slach by Çeşme.
Op 1 july 1994 waard de tsjerke wer oerdroegen oan it bisdom Sint-Peterburch. Dêrnei folge in nije restauraasje fan 'e tsjerke en yn novimber 1998 waarden mei tekeningen út it Russyske Militêr Histoaryske Argyf de ikonostaze werboud.
Replika's bewurkje seksje
Fan 'e Tsjesmetsjerke waard yn 1790 in replika op it lângoed Poltoratski yn Krasnoje (Staritski-rajon) yn 'e oblast Tver boud. Dy tsjerke bestiet noch jimmeroan, mar in oare replika fan 'e tsjerke, de Sint-Nikolaastsjerke út 1781-1788 op it lângoed fan Aleksander Lanski yn Posadnikovo (Novorzjevski-rajon) yn 'e oblast Pskov is net bewarre bleaun en waard yn 1925 ferneatige. By de Nikolaastsjerke stie ek noch in klokketoer yn 'e selde styl.
 |
 |
|
| Tsjesmetsjerke St.-Petersburch (1780) |
Transfiguraasjetsjerke Krasnoje (1790) |
Nikolaastsjerke Posadnikovo (1788) |
Begraafplak bewurkje seksje
It hôf by de tsjerke waard sûnt de wijing en by it belis fan Leningrad brûkt as begraafplak foar oarlochshelden.
|
Ofbylden dy't by dit ûnderwerp hearre, binne te finen yn de kategory Tsjesmetsjerke fan Wikimedia Commons. |