VVV
De VVV (in Nederlânsktalige ôfkoarting foar Vereniging voor Vreemdelingenverkeer, "Feriening foar Frjemdlingeferkear") is in Nederlânske organisaasje dy't him taleit op it oanfiterjen en fasilitearjen fan toerisme en rekreaasje. De regionale ôfdieling fan 'e VVV foar de provinsje Fryslân is VVV Fryslân.
VVV (Vereniging voor Vreemdelingenverkeer) | ||
De VVV-fêstiging yn Haarlim. | ||
algemiene ynformaasje | ||
ôfkoarting | VVV | |
nasjonaliteit | Nederlânsk | |
type org. | feriening | |
wurkmêd | oanfitering fan toerisme | |
haadkertier | Amsterdam | |
oprjochte | 1885 | |
offisjele webside | ||
www.vvv.nl |
- Dizze side giet oer de organisaasje ta promoasje fan toerisme. Foar oare betsjuttings, sjoch: VVV (betsjuttingsside).
Organisaasje
bewurkje seksjeDe VVV bestiet út in lanlike koepelorganisaasje, VVV Nederlân, dêr't pleatslike en regionale VVV's, lykas VVV Fryslân, by oansletten binne. Dy pleatslike of regionale buro's binne gearwurkingsferbannen fan pleatslike of regionale rekreaasjebedriuwen en -ynstânsjes, dy't bedoeld binne om safolle mooglik toeristen en rekreänten nei harren stêd of streek te lokjen. De VVV wurdt finansierd de ferkeap fan saken dy't toerisme en rekreaasje fasilitearje, lykas lânkaarten, plattegrûnen, reisgidsen, kadobonnen en sûvenirs. Dêrnjonken drage sawol de dielnimmende bedriuwen as de fertsjintwurdige gemeenten finansjeel by oan 'e aktiviteiten fan 'e VVV.
Skiednis
bewurkje seksjeIt earste VVV-buro waard yn Nederlân yn 1885 oprjochte yn Falkenburch oan de Geul, yn Súd-Limburch. Yn 1910 bestiene der yn it hiele lân al 88 ôfdielings fan 'e VVV, wêrby't yn totaal 429 fêstigings oansletten wiene. Dêrnjonken wiene der ek noch 11 regionale buro's. De hiele organisaasje waard doe draaiende holden troch 1.300 wurknimmers en 1.000 frijwilligers.
Oare lannen
bewurkje seksjeYn oare lannen besteane soartgelikense organisaasjes as de VVV. Sa wurdt yn Flaanderen deselde rol ferfolle troch Toerisme Flaanderen, en hat Dútslân it Verkehrsamt.
Keppelings om utens
bewurkje seksjeSjoch ek
bewurkje seksjeBoarnen, noaten en/as referinsjes: | ||
|