Vrijenban is tsjintwurdich in wenwyk yn Delft grinzjend oan it sintrum, yn it noarden mei gemeente Rijswijk en yn it suden grinzjend oan Wippolder.

Op 1 jannewaris 2004 wennen der 9289 minsken, ferdield oer 5280 húshâldens, yn Vrijenban.

Skiednis bewurkje seksje

Oant 1795 wie Vrijenban in ambachtshearlikheid, fan 1795 oant 1798 in munisipaliteit, en fan 1798 oant 1811 in gemeente.

Yn 1812 waard de gemeente opheft en taheakke oan de gemeente Delft. Se waard op 1 april 1817 fannijs oprjochte. By in weryndieling yn 1826 waard alle grûngebiet fan it Hof fan Delft beëasten de Schie en Delft tafoege oan Vrijenban. Yn 1833 kaam de gemeente Biesland dêrby, en yn 1855 de gemeenten Abtsregt en Ackersdijk en Vrouwenregt.

De gemeente Vrijenban is op 1 jannewaris 1921 opheft en foar it meastepart by de gemeente Delft komd; in stikmannich lytsere gedielten kamen oan de gemeente Pijnacker. It hjoeddeiske oerflak fan de wyk is lytser as dy fan de oarspronklike gemeente.

It eardere riedshûs fan de gemeente Vrijenban stiet oan it begjin fan de opreed fan de Reineveldbrêge oer de Schie rjochting de Brasserskade. It gebou wurdt no as kantoar brûkt.

 
Alde kaart ± 1870 fan Vrijenban