Adopsje: ferskil tusken ferzjes

'''Adopsje''' is in [[wet]]lik proses wêrby't in persoan it [[âlden|âlderskip]] op him of har nimt fan in oare persoan, dat yn 'e regel in [[bern (persoan)|bern]] is. Dêrby wurdt de (wetlik jildige) [[famylje (sibskip)|famylje]]bân tusken it oangeande bern en syn/har [[biologyske âlden]] ferbrutsen en ferfongen troch in nije wetlik jildige famyljebân tusken de '''adopsje-âlden''' en it '''adoptearre bern''', mei alle yn 'e wet fêstleine rjochten en plichten dy't dêrby hearre. De adopsje-âlden nimme dat bern dan oan as wie it harren eigen, en it adoptearre bern wurdt sadwaande ek wol in '''oannommen bern''' neamd. Sa'n bern kriget bygelyks de [[efternamme]] fan 'e adopsje-âlden, en dielt yn it [[erfrjocht]] sûnder ûnderskie mei eventuële biologyske bern.