Koerilen: ferskil tusken ferzjes

De '''Koerilen''', ek wol stavere as '''Kûrilen''' en '''Kurilen''' ([[Japansk]]: クリル列島, ''Kuriru-rettō''; [[Russysk]]: Курильские Острова, ''Kuriljskije Ostrova''), binne in [[fulkaan|fulkanyske]] [[arsjipel|eilannegroep]] yn 'e foarm fan in keatling dy't him útstrekt oer in lingte fan likernôch 1.300 km, fan it [[Ruslân|Russyske]] [[skiereilân]] [[Kamtsjatka (skiereilân)|Kamtsjatka]], yn it [[Fiere Easten]] fan [[Sibearje]], oant it noardlike [[Japan]]ske [[eilân]] [[Hokkaido (eilân)|Hokkaido]]. De arsjipel bestiet út 56 eilannen en withoefolle lytsere, boppe de weagen útstekkende rotsen, mei in mienskiplik oerflak fan 10.503,2 km². Mei-inoar foarmet de eilannekeatling de skieding tusken de noardlike [[Stille Oseaan]] yn it easten en de [[See fan Ochotsk]] yn it westen. Om it besit fan 'e Koerilen wurdt al seker oardel iuw tsierd troch Ruslân en Japan.