Ferballing: ferskil tusken ferzjes

'''Ferballing''' of '''ferbanning''' is it by wize fan [[bestraffing]] fuortstjoeren fan immen út in [[groep (sosjology)|mienskip]] troch in dêrta [[foechhawwende autoriteit]]. Immen dy't ferballe is, libbet yn '''ballingskip''' yn in '''ballingsoard''' en wurdt in '''balling''' of '''banling''' neamd. Ferballing kin útinoar rinne fan in oplein ferbod om noch langer op jins hjoeddeiske wen- of ferbliuwplak ta te hâlden (ûnder de moderne [[wet]] in [[gebietsferbod]]) oant de folsleine útwizing út in beskaat gebiet. As it dêrby om in [[lân|ûnôfhinklik lân]] giet, sprekt men fan '''eksterne ferballing'''. Dy foarm fan ballingskip bestiet hjoed de dei frijwol net mear.