Sûnt it begjin fan it Romeinske Ryk hienen de keizers de oermastere gebieten ôfskoattele mei ferdigeningslynjes tsjin de barbaren. Op de meast bedrige punten wienen al ''[[limes]]'', fersterke grinzen, oanlein: yn Noard-Afrika, [[SierjeSyrje]], [[Roemeenje]]/[[Hongarije]] ([[Daasje]]), [[Dútslân]], [[Nederlân]] en [[Ingelân]]. Foar ''Germaanje'' hienen de Romeinen sûnt de nederlaach yn de [[Farusslach]] net folle belangstelling mear. Yn [[83]] begûn de ôfskoatteling fan de grinzen mei limes tusken de natuerlike ferdigeningslynjes [[Ryn]] en [[Donau]], fan [[Rheinbrohl]] súdlik fan [[Keulen]] nei de krite fan [[Regensburch]], 550 kilometer lang en mei op syn minst tûzen wachttuorren en hûnderten forten. De muorren yn [[Brittanje]] moasten noch boud wurde.
