Mystike erfaringenerfaring hawwe mien, dat de ''eigen persoanlikheid'' min ofte mear ferdwynt en de wrâld as ''ien gehiel'' erfaren wurdt. De mystikus besiket himsels te ''ferienigen'' mei it Alwêzen, dêr't er him as it wiere mei oer in grins hinne stekt fan it gewoane waarnimme of bewust wêze.
== Aktive en passive mystike erfaring ==
Der bestean natuerlike en [[religy|religieuskereligieusk]] mystike erfarings. Natuerlike mystike erfarings binne bygelyks, it gefoel dat erfaren wurdt by ienwêzen mei de natuer op in lange [[bosk]]kuier. Dat soarte erfaringen binne fan in hiel oar aard as de religieusk mystike erfarings, foaral omdat hja passyf binne. Meastentiids 'oerkomt' soks ien sûnder dat dy de erfaring sels neistribbet. Natuerlike mystike erfarings wurde net beskôge as religieuske erfarings omdat se net ferbûn binne mei in [[tradysje]]. It binne lykwols al [[spiritualiteit|spirituele]] erfarings en kinne in djipgeande ynfloed hawwe op de persoan sels.
Religieusk mystike erfarings binne faak folle aktiver as de passyf natuerlike erfaring, omdat de mystike erfaring oproppen wurde kin troch [[gebed]], [[kontemplaasje]] of [[meditaasje]].
