[[Ofbyld:World Trade Organization negotiations.svg|thumb|right|400px|Lidsteaten fan de Wrâldhannelsorganisaasje.]]
De WHOWTO hat op it stuit 153 leden, lykas: De Feriene Steaten, Japan, Sina en alle lidsteaten fan de [[Europeeske Uny]]. De [[Oekraïne]] is op 16 maaie 2008 as 152e lid by de WHOWTO kaam, [[Kaapverdje]] waard op 23 july 2008 it 153e lid. De hannel tusken de lidsteaten beslacht mear as 90 persint fan de wrâldhannel. Steaten dy't net lid binne meitsje foar in part diel út fan de eardere [[Sowjetuny]] en it [[Heine Easten]]. Ruslân is de grutste ekonomy dy't gjin lid is fan de WHOWTO, as Ruslân al lid wurde soe is Iran de grutste ekonomy sûnder WHOWTO-lidmaatskip. Op it stuit binne der 33 lannen mei observatorstatus, dy't (útsein [[Fatikaanstêd]]) binnen fiif jier mei in petear begjinne moatte oangeande it folsleine lidmaatskip. It lid wurden is yn kêst XII fan de WHOWTO-oerienkomst fêstlein. By it lid wurden of nei it ferstriken fan in bepaalde oergongstermyn moat der foldien wêze oan de betingsten fan it WHOWTO-ferdrach. It lidmaatskipsbeslút moat troch in twa-tredde mearderheid yn de Ministeriële Konferinsje besletten wurden.
De Europeeske Uny is los fan syn lidsteaten ek lid fan de WHOWTO. De EU fertsjintwurdiget de mienskiplike belangen fan syn lidsteaten. De funksjonaris dy't út namme fan de EU saken docht mei de wrâldhannelsorganisaasje is de EU-hannelskommissaris, of ien fan de EU-lidsteaten dy't in fertsjintwurdiger út namme fan de hannelskommissaris stjoert. Ornaris wurde de besluten fan de wrâldhannelsorganisaasje yn konsensus makke, as der in demokratysk mearderheidsbeslút komme moat hat de EU it stimrjocht fan al syn 27 lidsteaten. De EU is wol lid mar hat sels gjin stim by in demokratysk mearderheidsbeslút.
