Iesumasyl: ferskil tusken ferzjes

By Iesumasyl komt de [[Suderie]], in âlde seeslink, út yn de eardere [[Lauwerssee]]. Al yn [[11e ieu]] moat dêr in [[slûs]] west hawwe, mar folle is dêr net oer bekend. Om [[1670]] hinne waard de [[syl]] by [[Eastrum]] ôfsletten. Dat besjutte dat [[East-Dongeradiel]] in nij plak sykje moast foar de ôfwettering. De kar foel op Iezumasyl. De Steaten besleaten om dêr in nije slûs te bouwen.

De dyk waard ek ferlein sa dat der nij lân kaam. Yn [[1671]] waard mei it wurk úteinút ein setten. It tafersjoch kaam yn hannen fan [[Michael Onuphrius thoe Schwartzenberg en Hohenland|Michaël Baron fan Schwartzenberg en Hohelandsberg]], grytman fan [[Dantumadiel]], en [[Philip Vegelin fan Claarbergen]], grytman fan [[Haskerlân]].

Der waard ek in goede ôfspraak makke oer de kosten. It gie oars faak sa dat men de lêsten foar de ôffier fan it wetter eins net betelje woe, want dat waard beskôge as in saak foar harrendejingen dy't ticht by de slûs wennen.

Yn [[1745]] is de slûs fernijd en op 'e nij yn [[1931]] om't der doe in nij elektrysk gemaal delsetten waard. It gemaal [[De Dongeradielen (gemaal)|De Dongeradielen]] moast der foar soargje dat de Dongeradielsters droege fuotten holden. De arsjitekt Booijenga hat der in kreas bouwurk fan makke.

Doe't yn [[1969]] de Lauwerssee [[Lauwersmar]] waard, feroare de funksje fan de syl as seekearing. Om’t it wetterpeil yn de Lauwersmar leger leit as op de [[Fryske boezem]] is de skutsslûs bleaun.

It gemaal is sa bleaun as yn 1930. Allinne yn [[1979]] waard it automatisearre. As it wetter op in bepaalde hichte stiet, beginne de pompen fansels te wurkjen.