[[Ofbyld: Klokkenstoel Nes 06w.JPG|125px|left|thumb|Klokkestoel Nes-Akkrum]]
Nes is ûntstien op in terp oan de noardkant fan de Boarn, eastlik fan de Nesker Sylroede. Op dy terp stie fan [[1228]] oant [[1580]] it [[Nesker Konvint]]. Nei dy tiid ferfoel it gebou. Yn de [[18e ieuiuw]] wie dat sa slim wurden dat men likernôch 1800 de klok oerbrocht nei in apart klokhús. Op de terp binne no allinnich noch it klokhús en it tsjerkhôf oer.
Oant yn de [[19e ieuiuw]] lei it grutste part fan it doarp westlik fan de terp, by de Neskersyl, yn de hoeke tusken Boarn en Sylroede. Mar yn de [[20e ieuiuw]] hat der in grutte útwreiding west oan de súdkant fan de Boarn, en oan it begjin fan de [[21e ieuiuw]] is oan de westkant fan de Sylroede de grutte útwreiding [[Boarnstee]] byboud, dat it doarp is min-ofte-mear nei [[Akkrum]] ta ferplakke. Nes wie oant de [[gemeentlike weryndieling]] fan [[1984]] part fan de eardere gemeente [[Utingeradiel]].
