Frankfurt am Main: ferskil tusken ferzjes

It histoaryske sintrum fan de stêd wie it ''Dominsel'', in eilân tusken twa tûken fan de ''Main'' rivier, dat al sûnt de [[NeolitykumNeolitikum|neolityske]] tiid bewenne is. Neidat it plak al brûkt waard troch de [[Kelten]], [[Romeinske Ryk|Romeinen]] en [[Allemannen]], waard it om 600 hinne een keningshôf fan de [[Franken|frankyske]] [[Merovingen]]. Mei it keningshôf waard Frankfurt (as ''Francofurd'', Frankefoarde of foarde fan 'e Franken) it earst neamd yn in oarkonde fan keizer [[Karel de Grutte]] yn [[794]]. Roomsk keizer [[Lodewyk de Dútser]] keas Frankfurt as plak foar syn residinsje. Yn [[1220]] krige de stêd de rang fan ''Frije Ryksstêd'' en fan [[1356]] ôf mochten der mei de [[Gouden Bul]] [[karfoarst]]en keazen wurden. Fan [[1562]] ôf hat de stêd ek kroaningsstêd fan Dútse keizers west. Fan [[1816]] oant [[1866]] hat Frankfurt de sit fan de [[Bûnsdei]] west. Yn de [[Paulskirche]] kaam yn [[1848]] it earste Dútske parlemint gear. Yn [[1866]] kaam Frankfurt ûnder [[Prusen|Prussysk]] bewâld.