[[Ofbyld:Okapitongue.jpg|right|thumb|230px|In [[okapy]] slikket him de [[snút]] ôf mei syn lange tonge.]]
Behalven foar saken dêr't er oarspronklik foar [[evolúsje|evoluëarre]] is, lykas [[smaak (sintúch)|smaakgewaarwurding]], [[kôgjen]] en [[slokken]] (de earste fasefaze fan 'e [[spiisfertarring]]) en it artikulearjen fan klanken foar [[spraak]], spilet de tonge ek in wichtige rol by it skjinhâlden fan it [[gebit]] en yn 'e minsklike [[seksualiteit]], by [[tútsjen]] en [[orale seks]]. Guon litte by wize fan [[body-art|lichemsfersiering]] feroarings oanbringe oan 'e tonge. Dêrby giet it yn 'e measte gefallen om in [[tongpiercing]], wêrby't in fertikaal gatsje boarre wurdt troch de midden fan 'e tonge, sadat dêrtroch in [[sieraad]] droegen wurde kin. By in [[tongfrenulumpiercing]] (of tongriempiercing) wurdt horizontaal in [[piercing]] oanbrocht troch de tongriem. By [[tongspjalting]] wurdt it puntsje fan de tonge fertikaal fan foarren nei efteren midstwa spjalten.
