Willem fan Roggendorf

Willem fan Roggendorf (1481 - augustus 1541) wie baron fan Roggendorf, en steedhâlder fan Fryslân út namme fan lânfâdesse Margareta fan Eastenryk (dy't foar de Habsburchse hearsker Karel de Habsburchse Nederlannen bestjoerde).

Yn 1509 die hy mei oan Maksimiliaan fan Eastenryk syn kampanje tsjin de Republyk Feneesje. Juny 1509 levere hy striid by Padua.

Roggendorf folge Floaris fan Egmond yn 1517 as steedhâlder op (1517 - 1521); hy koe tsjin de Geldersen net folle útrjochtsje. Yn 1521 naam hy ûntslach en gie werom nei Dútslân, dêr't er yn 1541 omkaam by it belis fan 'e Hongaarske stêd Boeda.

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, Roggendorf, Wilhelm van.

Hans Cools - Mannen met macht, Edellieden en de Moderne Staat in de Bourgondisch-Habsburgse landen (1475-1530). Walburg Pers, Sutfen, 2001. ISBN 90-6011-625-9.