Wim Ruska

Willem (Wim) Ruska (Amsterdam, 29 augustus 1940 – Hoarn, 14 febrewaris 2015) wie in Nederlânske judoka. Hy wurdt troch in soad minsken as de bêste judoka dy't Nederlân ea hân hat beskôge.

Wim Ruska
sporter
Wim Ruska yn 1972
persoanlike bysûnderheden
echte namme	Willem Ruska
bynamme	Tarzan van de tatami
nasjonaliteit	Nederlânsk
bertedatum	29 augustus 1940
berteplak	Amsterdam
stjerdatum	14 febrewaris 2015
stjerplak	Hoarn
lingte	1.89 m
gewicht	94 kg
sportive ynformaasje
sport	Judo
O.S.	München 1972
debút	1960
karriêre-ein	1972
wichtige prestaasjes
2x goud Olympyske Spullen 1972

Karriêre

Judokampioenskippen 1972 yn de Vliegermolen yn Voorburg. Wim Ruska wint de heale finale foar alle kategoryen fan Kutznetzof (USSR) en de finale fan Onashvili (USSR)

Ruska wûn twa Olympyske titels, twa wrâldtitels (1967 en 1971), sân Europeeske titels en waard ferkate kearen Nederlânsk kampioen.

Ruska syn grutte prestaasjes by de Olympyske Simmerspullen 1972 yn München, dêr't er yn it swiergewicht en alle kategoryen it goud helle, hawwe him net sa'n protte bekendheid opsmiten. De spullen yn München binne altyd yn it skaad bleaun fan it omtinken foar de oanslach op de Israelyske ploech, dy't koart dêrfoar bard wie.

Yn 2001 krige Ruska in harsenynfarkt. Hy rekke dêrtroch foar in part ferlamme en syn spraakfermogen gie ek foar in grut part ferlern.

Yn 2013 waard Ruska troch de ynternasjonale judofederaasje (IJF) yn de Hall of Fame opnaam. Ruska stoar yn 2015 mei 74 jier.

Ferneaming

Yn maart 2017 waard op it Sportsintrum Papendal yn Arnhim in nije judohal iepene dy't nei Ruska neamd is.

Literatuer

• Wim Koesen, Ruska: Triomf En Tragiek Van Een Judokampioen, Utjouwerij Thomas Rap, 2011, ISBN 9789400403314

Keppelings om utens

• Offisjele Wim Ruska hiemside
• Wim Ruska yn de Earegalery fan Holland Sport
• Judo Resultaten fan Willem Ruska

Fideomateriaal

• Willem Ruska (NED) - Vitali Kuznetsov (RUS) 1972 Olympyske Spullen yn München
• Klaus Glahn (GER) - Willem Ruska (NED) 1972 Olympyske Spullen yn München
• Willem Ruska (NED) - Givi Onashvili (RUS) 1972 Europeeske Kampioenskippen yn Voorburg
• Judodemonstraasje Willem Ruska
• Willem Ruska tsjin in berneteam

Boarnen, noaten en referinsjes

Boarnen, noaten en/as referinsjes: