... in krammerke in bûgd stikje metaaltried is, dat brûkt wurde kin om stikken papier byelkoar te hâlden sûnder dêrfoar gatten yn it papier te meitsjen?
... Theunis Piersma by syn oanstelling as boargemaster fan Wûnseradiel yn 1995 de earste boargemaster foar de FNP wie en de earste boargemaster fan Nederlân dy't net lid wie fan in lanlike politike partij?
... de Kromme Knillis de namme is fan De Boarn tusken Aldskou en Akkrum, en neffens in sêge ek de namme wie fan de reus dy't dit stik fan De Boarn groeven hat?
... de "noardpoal" dêr't it kompas hinne wiist, magnetysk sjoen de súdpoal is?
... it Hylpersk, it argayske Frysk dialekt fan it havenstedsje Hylpen, in tige behâldende lûdlear en wurdskat hat, dêr't in protte fan it Aldfrysk yn bewarre bleaun is?
... Rinfuorgen, dy't soldaten beskermje tsjin fijannich fjoer, al troch it Romeinske leger brûkt waarden? De tapassing op grutste skaal hat lykwols yn de Earste Wrâldkriich west.
... de Skierstins yn Feanwâlden de lêste oerbleaune stins yn Fryslân is dy't net ôfbrutsen is? De stins komt út de 14e iuw en is it ienige oerbleaune stienhûs.
... in tongbrekkerssechje in wurd of in sin is, dêr't de útspraak problemen fan jaan kin?
... Hunebêden foarkomme yn hiel noardwest-Jeropa en dat fan de 54 hunebêden yn Nederlân der 52 in de provinsje Drinte steane? Der binne guons mei ynskripsjes en fersiersels yn de stien beitele.
... fan al it wetter op de wrâld mar 3% swietwetter is en dat dêrfan mar 30,6% floeiber is?
... in dei op Fenus langer duorret as in Fenusjier? De planeet draait yn 225 dagen rûn om de sinne, maar hat 244 dagen nedich foar in rotaasje om syn as.
... ûnder keizer Antoninus Pius it Romeinske Ryk syn grutste útwreiding berikte en dat syn lange bewâld, fan 138 oant 161, in tiidrek wie fan frede en wolfeart dêr't it keizerryk ta grutte bloei yn kaam?
... dat it Wilamowytsersk, in taaltsje dat sprutsen wurdt yn it stedsje Wilamowice (Wilamowytsersk: Wymysau), yn it middensuden fan Poalen op 'e grins fan 'e provinsjes Heech-Sileezje en Lyts-Poalen ek troch it Frysk beynfloede is?
... dat it stribjen fan de Fryske beweging al begûn doe't Gysbert Japiks yn de 17e iuw syn gedichten skreau en dat elkenien dy't him of har ynsette of ynsetten hawwe foar it behâld en fersterkjen fan de Fryske taal en kultuer der ta rekkene wurde?
... it Ardennenoffensyf it lêste grutte offensyf fan Nazi-Dútslân wie yn de Twadde Wrâldkriich en Hitler dêrmei in fierdere opmars fan de Alliearden tocht op te kearen en de kriich oan it westfront ta in ein te setten?
... de heechste libbende beam fan de wrâld yn Kalifornje stiet en dat dizze 115,55 meter heech is?
... Frysk Damjen (ek wol Oer Alles Hinne neamd), de Fryske fariant is fan it "gewoane" ynternasjonale damjen en al sûnt de 17e iuw yn Fryslân spile wurdt?
... de Elbroes en net de Mont Blanc de heechste berch fan Jeropa is?
... Peter Stuyvesant dy't in wichtige rol spile yn de skiednis fan New York berne is yn Fryslân, syn berteplak is net hielendal wis mar wie fermoedlik Pepergea.
... de âldste beam fan de wrâld in spjirre fan 9.550 jier is en yn Sweden stiet?
... Montreal yn Kanada de twad-grutste Frânsktalige stêd op de wrâld is? Mei 3,5 miljoen ynwenners yn de stedekloft is it de grutste stêd yn de Frânsktalige provinsje Kebek.
... it parlemint fan Man, it Tynwald, it âldste ûnûnderbrutsen funksjonearjende parlemint fan 'e wrâld is? It waard al oprjochte yn 979.
... Mount Scenery op Saba mei de ynfiering fan de nije steatkundige ferhâldings yn it Keninkryk der Nederlannen yn 2010 it heechste punt fan Nederlân wurden is?
... de bynamme fan Erwin Rommel de Woastynfoks wie? Hy krige dizze bynamme nei syn súksesfolle militêre dieden yn Noard-Afrika yn de Twadde Wrâldkriich.
... de langste minske ea 2,72 meter lang west hat? Syn namme wie Robert Wadlow en hy libbe fan 1918 oant 1940.
... der alle fiif moannen earne op ierde in sinnefertsjustering sichtber is? Likernôch ien kear yn de 16 moannen is der in folsleine sinnefertsjustering.
... it Deenske eilân Faaneach it noardlikste fan alle bewenne eilannen yn 'e Waadsee is?
...dat der yn de stêd Grins yn earder tiden in rûne tsjerke stien hat (de Sint-Walburgtsjerke) mei in trochsneed net folle lytser as de Dom fan Aken? Se waard yn 1627 sloopt.
... de Eskimo's mear as 100 wurden foar snie hawwe? Dat grutte oantal komt benammen trochdat Eskimo's foar alle ferskiningsfoarmen fan snie in apart wurd kenne.
... de saksofoan in útfining is fan Adolphe Sax? It earste eksimplaar waard troch him yn 1840 makke en op 28 juny 1846 krige hy der yn Frankryk patint op.
.png)
_Stuyvesant_portrait_c1660.jpg)
.jpg)
