Abe Gerlsma

Abe Gerlsma (Frjentsjer, 3 febrewaris 1919 - dêre, 19 maart 2012) wie in Fryske keunstskilder en útfiner fan lânboumasines.

Abe Gerlsma
keunstner
Abe Gerlsma yn 1994 mei syn ets "Judaspenning"
persoanlike bysûnderheden
echte namme	Abe Gerlsma
nasjonaliteit	Nederlânsk
berne	3 febrewaris 1919
berteplak	Frjentsjer
stoarn	19 maart 2012
stjerplak	Frjentsjer
etnisiteit	Frysk
wurkpaad
wurksum as	Keunstskilder & Utfiner

Libben en wurk

Nei de mulo folge er de oplieding HTS Wurktúchbou.

Op it mêd fan etsen is Gerlsma in autodidakt. At er 19 jier is tekent er op in ôffalplaatsje sink in wylch yn in snielânskip. Mei selsmakke inket fan glyserine en skuonpoets, in wollen tekken as filtdoek en in parse út it molkfabryk printe er syn earste ets ôf. Troch syn fassinaasje foar de technyk lost er letter ek in soad artistike problemen op. Wurke er yn it earstoan mear nei de werklikheid, letter keas hy foar in frijere opfetting. Troch eksperimintearjen ûntstiene ferskate wurken mei inselde ûnderwerp. De kleur wie dêrby hieltiten oars. Dizze mearkleureplaten dogge hast wat ympresjonistysk oan en brochten him ta in nije ûntwikkeling. Benammen printen mei blossems levere in moaie spanning mei de eftergûn op. Oare ûnderwerpen binne it Fryske lânskip, it Waad, skippen en bisten.

Neist it skilderjen en etsen wurke hy by de Rykslânboufoarljochtingstsjinst. Nei syn pinsjoen yn 1982 leit er him hielendal ta op de keunst. Gerlsma die ek in tal útfiningen foar de snarebêd-poatmasine en loflûker foar jirpels dy't by .

Gerlsma is syn libben lang boeid troch it tsjinljocht yn it Fryske lânskip. Fryslân binnen- en bûtendyks is it haadtema yn de mear as 180 wurken dy't er makke hat. In soad etsen binne yn grut formaat en wurde faak yn meardere kleuren printe. De ierdetinten brûkt er dêrby in soad.
Yn syn wurkseme libben boude Gerlsma in oeuvre op fan mear as 180 wurken. Yn 2000 makke er syn lêste grutte kleurets yn twa platedruk mei de titel "Bombrekken", mar mei it skilderjen is oant hege âlderdom trochgien.

Abe Gerlsma wurdt fertsjintwurdige troch Galery de Roos fan Tudor.

Galery

• 
  De âlde en de nije Biltdyk (oaljeferve op linnen)
• 
  Melkerstiid (kleurets)
• 
  Gesicht fan de pier fan Holwert ôf
• 
  Droechfallene botter (kleurets)
• 
  Griene Dyk by Boazum (oaljeferve op linnen)

Literatuer

• 1986 - Abe Gerlsma, oersjochtentoanstelling yn Museum 't Coopmanshûs yn Frjentsjer
• 1994 - Abe Gerlsma biografy by de oersjochtentoanstelling yn it Frysk Museum yn Ljouwert ISBN 90-72548-07-8
• 1999 - Terpelân I by de 3 dûbele tentoanstelling yn Galery de Roos van Tudor yn Ljouwert, museum it Admiraliteitshûs yn Dokkum en gemeentehûs yn Frjentsjer.
• 2003 - Terpelân II ISBN 90-77448-02-0by de eksposysje yn galery de Roos van Tudor, Ljouwert
• 2005 - Slachtedyk ISBN 90-77448-06-3by de eksposysje yn galery de Roos van Tudor, Ljouwert
• 2006 - It Frjentsjer fan Abe Gerlsma by de eksposysje yn Museum Martena ISBN 90-77448-07-1
• 2007 - Dêr ‘t de dyk it lân omklammet ISBN 978-90-77448-09-0 by de eksposysje yn galery de Roos van Tudor, Ljouwert
• 2008 - Abe Gerlsma zijn werk, zijn leven biografy ISBN 978-90-77448-11-3 by de eksposysje yn Treasoar yn Ljouwert

Keppeling om utens

• Abe Gerlsma by de Roos van Tudor

Boarnen, noaten en referinsjes

Boarnen, noaten en/as referinsjes:

Abe Gerlsma - Galery De Roos fan Tudor", ko-auteur ISBN 90-72548-07-8 (1994) Jan de Vries mei - Eeltsje Hettinga - Abe Gerlsma, zijn werk zijn leven ISBN 978-90-77448-11-3 (2009)