Anna Folkema

Anna Folkema (Dokkum, doopt 22 maaie 1695- Amsterdam, beïerdige 8 oktober 1768) wie in Frysk 18e iuwsk graveur en skildereresse.

Twa Lutherske tsjerken en twa synagoges yn Amsterdam

Libben en wurk

Se waard berne yn Dokkum as dochter fan goudsmid en graveur Johann Jakob Folkema (†1735) en Brechtsje Jacobs Faber († 1728). Se wie de suster fan Jacob Folkema en fan Fopke. Om 1708 hinne ferfear de húshâlding nei Amsterdam dêr't se meiïnoar in bedriuwke foar it meitsjen fan printen begûnen.

Njonken etsen en gravueres makke Anna Folkema ek miniatuerportretten

Anna Folkema bleau frij faam en waard, lykas ek har broer en heit, beïerdige yn de Westertsjerke yn Amsterdam.

Wurk

Har etsen en gravueres ferskynden yn:

• Il callotto resuscitato, oder Neu eingerichtes Zwerchen Cabinet (Amsterdam 1716, en om 1720).
• R. van Leuve, ’s Waerelds koopslot of de Amsteldamse beurs, opnaam yn: Idem, Mengelwerken (Amsterdam 1723) [printen fannijs brûkt yn: Gebouwen, gezichten en oudheden der stad Amsterdam (Haarlim 1741, 1744)].
• Claas Bruin, Dichtmaatige gedachten over honderdvyfenvyftig bybelsche printverbeeldingen (Amsterdam 1727).
• Oar wurk yn û.m.: Ryksprintekabinet (Amsterdam), Stedsargyf Amsterdam (Argyf famylje Backer).

Boarnen, noaten en referinsjes

Boarnen, noaten en/as referinsjes:

(ned) Biografy Anna Folkema, Huygens Ynstitút foar Skiednis