Badpaviljoen Hylpen

It badpaviljoen fan Hylpen, yn de folksmûle Badhûs oan de Westerdyk, Iselmardyk, yn Hylpen.

Badpaviljoen Hylpen
bouwurk
Badpaviljoen Hylpen
lokaasje
Gemeente	Súdwest-Fryslân
plak	Hylpen
adres	Westerdyk 2
koördinaten	52°55'59" NB, 5°24'14" EL
bysûnderheden
type bouwurk	Paviljoen
boujier	1913/1914
boustyl	Art Nouveau ynfloeden, iere betonbou
monumintale status	Ryksmonumint
monumintnûmer	513627
kaart

Bou

It paviljoen waard yn 1913 boud yn ferbân mei it opkommende toerisme fan it strân oan de Sudersee. Dy fraach nei romte blykte sa grut te wêzen, dat de Badvereeniging Hindeloopen al it jier dêrnei de opdracht joech ta de bou fan in nij badpaviljoen. It gebou oan de eardere suderseedyk hat eleminten út de Art Nouveau. De betonnen konstrukje fan it gebou bestiet út meardere blokken, dêr't op it boppeste blok fjouwer hoektuorkes by setten binne mei in tintedak. It paviljoen is in tige bysûnder foarbyld fan de earste tapassing fan it boumateriaal beton. De oerdekte galarij en sierlike tuorkes joegen it gebou ek in koloniaal oansjen. Troch in soad ferbouwings yn it ferline, ferlear it gebou dy alluere. It pân is ûnder mear om syn unisiteit erkend as ryksmonumint.

Leech

Sûnt 2009 hat it paviljoen gjin horekafunksje mear en stiet it leech. It paviljoen stie der yn 2010 sa min by dat it yn de Top-10 fan meast bedrige ryksmonuminten kaam. Yn 2010 stelde Deputearre Steaten fan Fryslân € 136.000 beskikber foar reparaasjes dêr't it pân tige ferlet fan hie.

It badpaviljoen eartiids

• 
  Badpaviljoen Hylpen
• 
  Badpaviljoen Hylpen

Boarnen, noaten en referinsjes

Boarnen, noaten en/as referinsjes:

Rykstsjinst foar it Kultureel Erfguod Stenvert, Ronald [et.al.] (2000) Fryslân. Monumenten in Nederland, diel 6 - Hindeloopen (Hylpen) (gemeente Nijefurd) Zeist: Rykstsjinst foar de Monimintesparch / Swol: Waanders. ISBN 90 400 9476 4