Cannegieter (laach)

Cannegieter wie in predikantelaach fan Dútsk komôf.

Dominicus Cannegieter

Herman Cannegieter (1723-1804)

Hendrik Cannegieter (1691 - 1770), soan fan in boargemaster út Steinfort, waard rektor te Arnhim en fernederlânske syn namme 'Kannegieser'. Ut dit laach kamen in protte dûmnys, medisy en notarissen, ûnder oaren Herman Cannegieter (1723-1804), jurist en heechlearaar yn Frjentsjer, en Hendrik Gerrit Cannegieter (1804-1881), dokter en skiedskriuwer (oer Ferwerderadiel) te Hallum.

Oaren út dit laach

• Dominicus Cannegieter (Hallum, 23 oktober 1842 - Tsjom, 11 maart 1909), notaris en skiedkundige.
• Hendrik Gerrit Cannegieter (Wytmarsum, 28 maaie 1804 - Hallum, 15 maaie 1881), dokter. Skreau oer skiednis fan Ferwerteradiel.
• Hendrik Gerrit Cannegieter (Tsjom, 17 augustus 1880 - ?) sjoernalist-letterkundige dy't as herfoarme predikant yn Jelsum stie (1906-1914) en oer Fryske saken skreau.
• Petrus Cannegieter (Tsjom, 24 july 1883 - ?), predikant yn Koaten (1911-1917) en Idaerd (1917-1932). Hy wie 30 jier lang algemien sekretaris fan de 'Nederlandse Vereniging van Vrijzinnige Zondagsscholen' en 25 jier redakteur fan it frijsinnich godstsjinstich wykblêd 'Nieuw Leven'.

Boarnen, noaten en referinsjes

Boarnen, noaten en/as referinsjes:

Brouwer, J.H., en oaren (red.), Encyclopedie van Friesland, Amsterdam: Elsevier 1958, Cannegieter.