Cor Jongert

Cor Jongert (Edam, 10 septimber 1896 - ?, 15 septimber 1970) wie in Nederlânske reedrider út Ilpendam. Hy wûn de 6e Alvestêdetocht op 30 jannewaris 1940. Dizze oerwinning moast hy lykwols diele mei Auke Adema, Durk van der Duim, Piet Keijzer en Sjouke Westra, omdat se mei syn fiven tagelyk oer de streek kamen. De fiif riders hienen yn Dokkum ôfpraten mei-inoar finisje te sillen, in ôfspraak dy’t letter bekend waard as it Pakt fan Dokkum.

Alvestêdetocht 1940: f.l.n.r.: Auke Adema, Sjouke Westra, Cor Jongert, Durk van der Duim en Piet Keijzer

Letter waard de mooglikheid om de winst fan de Alvestêdetocht te dielen mei oare riders ferbean. Dit hat ien kear laat ta in tocht sûnder winst. Op 14 febrewaris 1956 gienen wer fiif riders tagelyk oer de streek. Se waarden letter út de útslach skrast, hoewol’t der gjin nije winner oanwiisd waard.